АН: Төсвийн бодлогоороо инфялцыг улам хөөрөгдөх нь 

АН-ын “4-11” мэдээллийн цагаар өчигдөр энэ оны улсын төс­вийн тодотголын хэлэлцүүлгийн та­лаар УИХ-ын гишүүд байр сууриа илэрхийллээ. Б.Жар­галан гишүүн “Тодотголын тө­сөлд урсгал зард­лыг 1.1 их наяд төгрөгөөр нэмэгдүүлж, 2.2 их наяд бол­госон. Төсвийг энэ чигээр нь баталбал инфляц одоо­гийн 13 хувиас нэмэгдэж 18 хүрнэ, хоёр оронгоос буухгүй гэдгийг Монголбанк, Төсвийн тогт­вортой байдлын зөвлөл, Үндэсний аудитын газар зэрэг мэргэжлийн байгууллагаас хэлж буй. Засгийн газар төсвийн бодлогоороо дамжуулан инфляцыг буу­руулах ёстой атал улам хөөрөгдөж байна. Ерөнхий сайдад бүтэц, бүрэлдэхүүнээ цом­хот­гож, давхардсан төсөл, хө­төл­бөрөө бууруулах за­маар зардлыг хумих боломж бий. Мөн зардлыг нэмснээр улсын өр улам өснө. Одоогийн байдлаар 145 их наяд буюу нэг иргэнд 40 сая төгрөгийн өр ногдож байна. Мөн төс­вийн төслийн нарийвчилсан задаргааг олон нийтэд ил мэдээлэх ёстой ч УИХ-ын гишүүдэд хүртэл олдохгүй, Тамгын газ­раас шаардаж байж тоймыг нь олж авсан” гэсэн юм. 

Ерөнхий сайд “Ахмадуудаас хэдэн төгрөг ха­рам­лаж болохгүй” гэсэн пиар хийж буй. Тэгвэл та­насан гэж буй 1.4 их наядаас ахмадын суурь тэт­гэврийг нэмэхэд 196 тэрбум төгрөг л зар­цуулна. Тэгэхээр ийм мөнгөөр халхавчилж, бусад зардлыг нэмс­­­нийг П.Батчимэг гишүүн шүүмжлэв. Мөн Засгийн газар бүсээ чангалсан гэж буй ч Ерөнхий сайдын зардал 142, ХХААХҮ-ийн сай­дынх 114.9 тэрбумаар нэмэгдсэнийг гишүүд он­ц­олсон юм.