Мотоциклын хөдөлгөөнийг түр хязгаарлав
Хүйтний улирал эхэлж, авто замд халтиргаа гулгаа үүсэж, мотоциклоос шалтгаалсан ослын тохиолдол нэмэгдсэнтэй холбоотойгоор ийнхүү шийдвэрлэсэн гэнэ. Хөдөлгөөнд оролцогчдын аюулгүй байдлыг хангах, зам, тээврийн ослоос урьдчилан сэргийлэх ажлын хүрээнд уг хязгаарлалтыг тогтоосноо аймгийн ЗДТГ-аас мэдээлжээ. Эл зохицуулалтыг зөвхөн аймгийн төвд мөрдөх бөгөөд бусад сумд хамаарахгүй аж. Ташрамд дурдахад, Тээврийн цагдаагийн албанаас мэдээлснээр улсын хэмжээнд өнгөрсөн онд мотоциклын осол 480 удаа гарч, 242 иргэн гэмтэж, 120 хүн нас барсан байна.
2023-11-07
Хүйтрэх учраас цас ойрын хугацаанд хайлахгүй
Өнгөрсөн амралтын өдрөөр орсон цасны хэмжээ болон Улаанбаатар хотын ойрын өдрүүдийн цаг агаарын талаар Цаг уур, орчны шинжилгээний газрын Урьдчилан мэдээлэх хэлтсийн ахлах мэргэжилтэн О.Оюунчимэгээс тодрууллаа.
2023-11-06
Солонгот, Загастай, Ганцын давааны хөдөлгөөнийг нээжээ
Өнөөдрийн 10:00 цагийн байдлаар Говь-сүмбэр, Хэнтий, Дорноговь, Сүхбаатар, Дорнод, Төв аймгийн нутгаар үүлэрхэг, зарим хэсгээр нойтон цас орж байна. Олон улс, улсын чанартай Цэцэрлэг-Тосонцэнгэл-Нөмрөг чиглэлийн авто замын Солонготын даваа, Мөрөн-Улиастай чиглэлийн авто замын Загастайн даваа, Улиастай-Алтай чиглэлийн авто замын Ганцын давааны цасыг цэвэрлэж хөдөлгөөнийг нээж, авто замаар зорчих тэврийн хэрэгслийн хөдөлгөөн хэвийн үргэлжилж байна.
2023-11-05
Цасан шуурга шуурч, зам даваа хаагдах эрсдэлтэй байна
Цэцэрлэг-Тосонцэнгэл-Нөмрөг чиглэлийн Солонготын даваа, Мөрөн-Улиастай чиглэлийн Загастайн даваа, Улиастай-Алтай чиглэлийн Ганцын даваа-нд тус тус их хэмжээний цас орж байна. Тус чиглэлд зорчихдоо автомашины бүрэн бүтэн байдлыг хангаж, анхаарал болгоомжтой зорчихыг анхааруулж байна.
2023-11-04
Сүүлийн 30 жилд арваннэгдүгээр сард бороо ороогүй гэв
Сүүлийн 30 жилд ийм үзэгдэл бүртгэгдээгүйг тэрбээр хэлэв. Энэ нь аравдугаар сард ч ховор тохиолддог үзэгдэл гэнэ. Олон жилийн дунджаар Монгол орны хэмжээнд аравдугаар сард ойролцоогоор хоёр удаа л бороо орсон гэж бүртгэгджээ. Энэ жилийн зун, намрын улиралд хур тунадас их орсон, хөрсний чийг хангалттай байгаа тул ойрын хугацаанд хүйтэрч, хөрс гүн хөлдөх магадлалтай аж. Түүнчлэн ирэх өвөл уулархаг бүс нутгаар цас ахиухан орж, зузаан цасан бүрхүүл эрт тогтох урьдчилсан мэдээ гарчээ.
2023-11-03
Говийн аймгуудын нутгийн хойд хэсгээр нойтон цас орно
Өнөө, маргаашдаа төв болон зүүн аймгуудын нутаг, говийн аймгуудын нутгийн хойд хэсгээр нойтон цас, цас орж, цасан шуурга шуурч, зам даваанд мөстөлт үүсэж, халтиргаа гулгаа нэмэгдэхийг онцгойлон анхааруулж байна.
2023-11-02
Б.Бат-Эрдэнэ: Жуулчны баазуудад 55 тэрбум төгрөгийн хөнгөлөлттэй зээл олгоно
Тэрбээр “2023 онд аялал жуулчлалыг хөгжүүлэх суурь ажлуудаа хийж дууслаа. Ялангуяа Аялал жуулчлалын тухай хуулийн шинэчилсэн найруулгыг тавдугаар сарын 4-нд УИХ-аар батлуулж чадсан. Холбогдох стандартуудаа бид цэгцэлж дууслаа. Дээр нь Аялал жуулчлалын мэргэжлийн холбоо байгуулах үүргийг хуулиар хүлээсэн. Үүргээ амжилттай биелүүлж, Аялал жуулчлалын мэргэжлийн холбоо хоёр дахь хурлаа амжилттай зохион байгуулаад байна.
2023-11-01
Хөвсгөл нуураас загас барихаар нэг км тор тавьсан байжээ
Засгийн газраас Хөвсгөлийг хамгаалах, бохирдлыг бууруулах чиглэлд ихээхэн анхаарч, нуурын ёроолд живсэн техник хэрэгслийг татан гаргах ажлыг үе шаттай зохион байгуулж буй ч орон нутгийн иргэд, аялагчид ийм байдлаар байгальд хохирол учруулсаар байгаа аж. Иймд тусгай хамгаалалттай газрынхан тогтмол хяналт шалгалт, эргүүл хийж эхэлжээ. Ташрамд дурдахад, жил бүрийн дөрөвдүгээр сарын 1-нээс зургаадугаар сарын 15 хүртэлх хугацаанд орон даяар загас барихыг хориглодог бол улсын тусгай хамгаалалттай бүсэд агнуур хийх нь бүх үед хуулиар хориотой.
2023-11-01
Цасаар шуурч, зам даваа хаагдана
Өнөө, маргаашдаа баруун болон төвийн аймгуудын ихэнх нутгаар цас орж, цасан шуурга шуурч, зам даваа хаагдаж, халтиргаа гулгаа нэмэгдэхийг онцгойлон анхааруулж байна.
2023-11-01
