Циркээс оргон Цюрих хотын банк, худалдааны дүүргээр зугаалж, олныг гайхашруулсан Сабу нэрт зааныг цагдаа нар “баривчлан” гэрт нь хүргэсэн байна.
Хотын цагдаагийн газрын хэвлэлийн төлөөлөгч Майкл Вирз “Сабугийн араас цаг шахам хөөцөлдөж, барьсан. Зугаалж явах үедээ хэн нэгнийг гэмтээсэн, эд хөрөнгө эвдлэн сүйтгэсэн тухай мэдээлэл одоогоор алга” гэжээ.
“Сабуг циркт буцаан авчрахдаа чиргүүл дээр ачиж, олсоор даруулж хүлсэн” гэж Кние циркийн хэвлэлийн төлөөлөгч АР агентлагт ярьсан байна.
