БНХАУ-ын зочид Дарханы төмөрлөгийн үйлдвэртэй танилцжээ
Ерөнхий сайд БНХАУ-д хийсэн айлчлалынхаа үеэр Жөжян мужийн удирдлагуудтай уулзаж, гангийн үйлдвэр байгуулах чиглэлээр хамтран ажиллахаар санал солилцон, мужийн удирдлагуудаас холбогдох чиглэл өгөгдсөний дагуу энэхүү айлчлал болж байна.
2023-09-23
Хөдөө аж ахуйн бүтээгдэхүүн хүний эрүүл мэндэд сөрөг нөлөөтэй юү
Манай улсад газар тариалангийн бүтээгдэхүүн тарих, ургуулах явц, бэлэн бүтээгдэхүүний чанарыг хэрхэн шалгадаг, ямар баталгаа гаргадгийг мэдэхгүй хүн олон. Тухайлбал, Баянгол дүүргийн иргэн Ч.Арвинхишиг “Тарвас авч идээд гэр бүлээрээ гэдэс өвдөн, бүр эмнэлэгт хандсан. Тарвасын болцыг түргэсгэх, эсвэл томруулах зорилгоор бодис хэрэглэсэн байх. 2-3 өдөр бидний бие тавгүйрхэж, эм уусан. Түүнээс хойш төмс, хүнсний ногоо, тарвас, жимс авахдаа шинжилгээний бичиг, гарал үүслийн гэрчилгээ байгаа, эсэхийг нь асуудаг болсон. Гэсэн ч ямар ч бичиг баримт байдаггүй юм билээ. Бид юугаар бордож, ямар технологи ашиглан тарьсан бүтээгдэхүүн идэж байгааг мэдэх боломжгүй гэсэн үг.
2023-09-22
Хаан банк азийн хөгжлийн банкны “МОНГОЛ УЛС ДАХЬ ШИЛДЭГ ХАМТРАГЧ” банкаар 6 дaхь удаагаа шалгарлаа
Азийн хөгжлийн банк (АХБ)-ны Олон улсын “Худалдаа, нийлүүлэлтийн сүлжээний санхүүжилтийг дэмжих хөтөлбөр”-ийн зүгээс тухайн жилийн шилдэг хамтрагч банкуудаа жил бүр шалгаруулдаг уламжлалтай билээ. 2023 оны “Монгол Улс дахь шилдэг хамтрагч банк”-аар ХААН Банкийг дахин тодруулснаар бид энэхүү нэр хүндтэй шагналыг 6 дaхь удаагаа хүртсэн амжилт үзүүлээд байна. Тус шагнал гардуулах ёслолын арга хэмжээ өнгөрсөн сард Сингапурт болж, ХААН Банкны Олон улсын харилцааны газрын захирал Б.Болортуяа банкаа төлөөлөн очиж авсан юм.
2023-09-21
ТЕГ жендерийн тэгш байдлын төсөл хэрэгжүүлж эхэллээ
Энэхүү санаачилга нь Монгол Улс Тогтвортой Хөгжлийн Зорилгуудыг биелүүлэх чиглэлд чухал дэмжлэг болох ба тодруулбал, жендерийн эрх тэгш байдал, эмэгтэйчүүдийн нийгэм эдийн засгийн байр суурийг бэхжүүлэх болон энх тайван, шударга ёс, хүчирхэг институцийг бэхжүүлэхэд чухал ач холбогдолтой юм.
2023-09-21
МҮХАҮТ-ын 2019-2023 оны санхүүгийн тайланг танилцуулав
Монголын Үндэсний худалдаа, аж үйлдвэрийн танхимын ээлжит XXI Их хурал Шангри-Ла Улаанбаатар зочид буудалд амжилттай боллоо. Дөрвөн жилд нэг удаа болдог тус их хурлаар МҮХАҮТ-ын Удирдах зөвлөлийн гишүүд болон ерөнхийлөгчийг сонгон баталлаа.
2023-09-21
БНХАУ-ын ноолуурын аж үйлдвэрийн туршлагаас судаллаа
БНХАУ-ын Хүнс, үндэсний бүтээгдэхүүн, малын импорт, экспортын худалдааны танхим, Монголын ноос, ноолуурын холбоо хамтран зохион байгуулсан аж үйлдвэрийн хурлын хүрээнд “Монголын хөдөө аж ахуйн бирж” ТӨХХК, дээрх холбооны гишүүн аж ахуйн нэгжүүдийн төлөөлөл урд хөршийн Чинхэ дэх ноолууран бүтээгдэхүүн боловсруулагч, үйлдвэрлэгчдийн үйл ажиллагаатай танилцсаныг ХХААХҮЯ-наас мэдээлэв. Монгол, Хятадын ноолуурын аж үйлдвэрийн хурал уржигдар, өчигдөр самнасан ноолуур бэлтгэлийн томоохон төв Чинхэд болсон аж. Тус хотод ноолуурын олон улсын худалдааны үзэсгэлэн зохион байгуулдаг агаад энэ онд 30 дахь удаагийнх нь болжээ. Үүнд манай улсын 30 орчим ноос, ноолуур үйлдвэрлэгч аж ахуйн нэгжийн төлөөлөл оролцсон байна.
2023-09-21
МХБ-ийн арилжааны дүн гурван их наяд төгрөгт хүрчээ
МХБ-ийн арилжааны дүн 2015 онд 354.4 тэрбум төгрөгт хүрсэн нь үйл ажиллагаагаа эхлүүлсэн 25 жилийн хугацаан дахь хамгийн өндөр үзүүлэлт болж байв. Тэгвэл 2021 онд 1.4 их наяд төгрөгийн үнэ бүхий үнэт цаас борлуулж, түүхэн үзүүлэлтээ шинэчилж байжээ. Энэ талаар МХБ-ийн Маркетинг, олон нийттэй харилцах албанаас “Биржийн арилжааны дүн гурван их наяд төгрөгөөс давсан нь түүхэн дээд үзүүлэлт боллоо. Үүнд энэ жил томоохон таван банкны хувьцаа болон 13 шинэ бүтээгдэхүүн арилжиж эхэлсэн нь нөлөөлсөн. Түүнчлэн гурван их наяд төгрөгийн хоёр их наяд буюу 60 гаруй хувийг нь уул уурхайн бүтээгдэхүүн болох нүүрс, төмрийн хүдрийн борлуулалтаас олсон” гэлээ.
2023-09-21
Монгол Улсын эдийн засгийг 5.7 хувиар өснө гэж төсөөлөв
Азийн хөгжлийн шинэчилсэн төлөвийг гаргаснаа Азийн хөгжлийн банкнаас (АХБ) өчигдөр танилцууллаа. Энэ үеэр Монголын эдийн засгийн төлөвийг танилцуулсан юм. Тус банкныхан манай улсын эдийн засгийг энэ онд 5.4 хувиар өсөж, инфляц 10.9 хувьд хүрнэ хэмээн төсөөлснөө өнгөрсөн дөрөвдүгээр сард мэдээлж байв. Тэгвэл шинэчилсэн төлөвөөр дээрх үзүүлэлтэд бага зэрэг өөрчлөлт орно гэж таамагласнаа дуулгалаа. Тодруулбал, Монголын эдийн засаг энэ онд 5.7 хувиар өсөж, инфляц 10.5 хувьд хүрнэ хэмээн тооцжээ. Мөн ирэх жил ДНБ 5.9 хувиар (өмнө нь эл тоог 6.1-т хүрнэ гэж төсөөлж байв) тэлж, инфляцын түвшин 8.6 хувь байна хэмээн тооцоолсныг АХБ-ны ахлах эдийн засагч Эдвард Фабер дурдав.
2023-09-21
ЖДҮ эрхлэгчдэд зориулсан "Ногоон бизнес" сургалтын 10-р сарын бүртгэл эхэллээ
Бизнес эрхлэгчдэд зориулан бизнесийн амжилтыг нь ахиулж, өрсөлдөх чадварыг нэмэгдүүлэх, олон улсын чиг хандлага, ногоон бизнесийн боломжуудыг таниулах, тэдгээрийг бизнесийн үйл ажиллагаандаа нэвтрүүлэх, хэрэгжүүлэх боломжуудыг олж нээхэд нь туслах зорилготой энэхүү хөтөлбөрийн бүртгэл 9-р сарын 19-нөөс 10-р сарын 9-ныг дуустал явагдаж, 10-р сарын 10-ны өдрөөс сургалт нь эхлэх юм.
2023-09-20
Баррель газрын тосны ханш 95 ам.долларт хүрэв
Мөн энэхүү бүтээгдэхүүний үнэ 2023 онд гурван оронтой тоонд хүрч өсөхийг үгүйсгэхгүй гэж төсөөлснөө “Citi” группийн стратегичид дурдав. Ойрын хугацаанд баррелийнх нь ханш 100 “ногоон”-д хүрэх магадлалтай хэмээн тооцсоноо “Chevron” корпорацынхан хэлснийг “Bloomberg” дамжуулсан юм. Саудын Арабын Эрчим хүчний сайд Канадад болсон хурлын үеэр “Газрын тос экспортлогч орнуудын байгууллага (ОПЕК) зах зээлийг тогтвортой байлгах, эрчим хүчний аюулгүй байдалд анхаарч байгаа” гээд, тус улс нийлүүлэлтийн хэмжээгээ сар бүр өөрчлөхийг ч үгүйсгээгүй аж. Ташрамд дурдахад, “харалт”- ны ханш гурван долоо хоног дараалан өсөөд буйг шинжээчид онцолжээ.
2023-09-20
“Намрын ногоон өдрүүд-үндэсний үйлдвэрлэл 2023” арга хэмжээ болно
Тэгвэл баасан гарагт 11.00-15.00 цагт газар тариалангийн салбарын танилцуулах, 15.00-17.00 цагт баруун бүсийн аймгуудын өв соёлыг танилцуулах өдөрлөг зохион байгуулах нь. Харин бямба гарагт 11.00-13.30 цагт төвийн бүсийн аймгуудын өв соёлыг танилцуулах, 14.00-17.00 цагт хөнгөн, жижиг, дунд үйлдвэрийн салбарын өдөрлөг болох гэнэ. Түүнчлэн ням гарагт зүүн, хангайн бүсийн аймгуудын өв соёлыг танилцуулах аж. Мөн энэ сарын 25-нд B2B гэрээ хэлэлцээ хийх, хамтын ажиллагааны уулзалт 14.00-17.00 цагт болох нь. Энэхүү үзэсгэлэн худалдаанд зориулж цэнгэлдэх хүрээлэн дотор 240 асар бэлтгэжээ.
2023-09-20
Бидэнтэй хамт 27 жил байсан уншигчдадаа баярлалаа
“Өнөөдөр” сонины 27 жилийн ой өнөөдөр тохиож байна. 1996 оны есдүгээр сарын 20-нд Монголын нэрт сэтгүүлч, Соёлын гавьяат зүтгэлтэн Цэрэндоржийн Балдоржийн санаачилгаар үндэсний өдөр тутмын чөлөөт сонин “Өнөөдөр” анхны дугаараа уншигчдадаа өргөн барьсан билээ. “Өнөөдөр” сонин нь 27 жилийн турш хараат бус, хариуцлагатай сэтгүүл зүйг хөгжүүлэх, үнэн бодит байдлыг эрхэмлэх, шударга ёсны дуу хоолой болох, олон ургалч үзлийн талбар байхыг гол зарчим болгон ажилласаар ирсэн. Энэ хугацаанд бидэнтэй хамт байсан уншигч та бүхэндээ баярлалаа. Бид цаашид ч олон нийтийн мэдээлэл авах эрхийг дээдэлж, ёс зүйтэй сэтгүүл зүйн төлөө ажиллах болно.
2023-09-20
Эрчим хүчний оргил ачаалал 1089 МВт-д хүрэв
Манай улсын эрчим хүчний системийн хамгийн өндөр ачаалал өнгөрсөн долоо хоногийн хугацаанд өндөртөө энэ сарын 17-ны 21.00 цагт 1089 МВт-д хүрснийг ЭХЗХ-ноос мэдээлэв. Энэ нь өнгөрсөн жилийн мөн үеийнхээс 127 МВт-аар нэмэгдсэн үзүүлэлт аж. Судалгаанаас харахад айл өрхүүд халаалтад хэрэглэж буй дулааны эрчим хүчнийхээ 50 хүртэлх хувийг цонхоороо алддаг байна. Иймээс хуучин цонхнуудаа хоёроос гурван давхар шилтэй вакумаар солин дулааны алдагдлаа бууруулах нь үр ашигтайг дээрх хорооноос сануулав.
2023-09-19
Ураны төслөөс удахгүй ашиг хүртэх үү
Шинжээчдийн таамаглалаар ирэх 10-20 жилд дэлхийн эрчим хүчний хэрэглээ жил бүр дунджаар гурван хувиар өсөх бөгөөд эрэлтийг хангахад цөмийн станц чухал нөлөөтэйг онцолж байна. Манай улсын хувьд ч эрчим хүчний хэрэглээ байнга өсөн нэмэгдсээр байгаа бөгөөд түүний дутагдал, агаарын бохирдол зэрэг томоохон бэрхшээлтэй тулгарч буй. Үүнийг шийдвэрлэх нэг гарц нь уран олборлож цаашлаад ашиглан эрчим хүч үйлдвэрлэж болох тухай 2009 онд бодлогын баримт бичиг, хуульд тусгаж өгсөн. Энэ талаар “Мон-Атом” компанийн гүйцэтгэх захирал Д.Далайжаргал “Бид нүүрснээс эрчим хүч үйлдвэрлэдэг. Гэтэл 2030-2040 онд дэлхий даяар нүүрсний хэрэглээг халахаар ярьж байна.
2023-09-19
