“We aquatics” клубийнхэн тэргүүн байрт шалгарчээ

Улаанбаатар хот дахь “Этүгэн төв” бас­сейнаас зохион байгуулсан насанд хү­рэгч­дийн усанд сэлэлтийн улсын аварга шал­гаруулах тэмцээнд 20 клубийн 123 та­мир­чин оролцлоо. Тус тэмцээнээр тив, дэл­хийн тэмцээнд оролцох тамирчдын чансааг тогтоож, сонгон шалгаруулалт хийдэг тул ба­гууд шилдэг тамирчдаа өрсөлдүүлдэг. Тэм­цээний үеэр улсын 24 дээд амжилтыг ши­нэчлэн тогтоосон нь өмнөх жилүүдийн тэм­цээнтэй харьцуулахад өндөр үзүүлэлт болов. Энэ нь тамирчдын ур чадвар ахиж, бэлтгэл сургуулилалт сайжран олон улсын чанартай тэмцээний түвшинд алхмаар ойртож буйг харуулж байна. АНУ-д бэлтгэлээ базаадаг ОУХМ Б.Энххүслэн дөрвөн жилийн дараа оролцож, улсын 11 дээд амжилтыг шинэчлэн тог­тоож, үеийнхэндээ үлгэр дуурайлал үзүүл­лээ. Түүнчлэн 100 метрийн араар дал­лах сэлэлтийн төрөлд 56.75 секундийн ам­жилтаар “We aquatics” клубийнхнээс М.Ханбилиг спортын мастер цолны болзол хангасан юм. Багийн нийл­бэр дүнгээр “We aquatics” клубийнхэн 41 алт, тус бүр 15мөнгө, хүрэл нийт 71медаль хүрт­сэн ам­­ жилтаар тэргүүн байрт шалгарчээ.Ши­нэ залуу тамирчдаар багаа бүрдүүлсэн “Аль­фа” клу­­ бийнхэн энэ удаа гурван алт, 14 мөнгө, найман хүрэл гардаж II, Орхон айм­гийн “Хан­гарьд”ын сэлэгчид хоёр алт, тус бүр та­ван мөнгө, хүрэл медальтай өндөрлүүлж, III байр эзэллээ.