М.Нямтулга аймгийн мэргэн, Д.Отгонсүрэн бахлуур цолны болзол хангав

Үндэсний спортын VIII их наадмын хүрээнд Дархан-Уул аймагт болсон сорилго харваа, мөсөн сурын харвааны аварга шалгаруулах тэмцээнд до­лоон аймгийн харваачид оролцож, цуваа болон ба­гийн төрөлд цэц сорив. Хоёр өдөр үргэлжилсэн эл тэмцээний цуваа харваанд Говь-Алтай аймгийн Эр­дэнэ сумын харьяат, “Хараатын мэргэд” клубийн харваач М.Нямтулга 19 оноогоор түрүүлж, аймгийн мэргэн цол хүртлээ. Түүнтэй түрүү байрын төлөө өрсөлдсөн Завханы Отгон сумын уугуул, Төв аймгийн Жаргалант сумын харьяат, “Дүнжингаравын мэргэд” багийн харваач Д.Отгонсүрэн 18 оноогоор удаалж, аймгийн бах­луур цолны болзол хангасан юм. Төв аймгийн Бат­сүмбэр сумын харьяат “Цастын цэц” багийн тамир­ чин, мөсөн сурын улсын эрэмгий харваач Б.Бат­тулга 17 оноогоор хүрэл медалийн эзэн болов. Багийн төрөлд Сэлэнгэ аймгийн “Ханбуурагчин мэргэд”, Төв аймгийн “Дүнжингаравын мэргэд”, Дархан-Уул аймгийн I багийнхан эхний гурван байрт шалгарлаа.