“Флаш” хамтлагийн дуучинд 18 сар хорих ял шийтгэлээ 

Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүх өнгөр­сөн долоо хоногт З.Одбаяр, Б.Зориг, Г.Мяг­марцэнд нарт холбогдох, мансууруулах бодис хууль бусаар олж авч хадгалсан, борлуулсан гэх хэргийг хянан шийдвэрлэлээ. Нийслэлийн прокурорын газраас З.Одбаяр, Б.Зориг нарыг НҮБ-ын 1971 оны Сэтгэцэд нөлөөт бодисын тухай конвенцын II жагсаалтад багтсан, 18.7 грамм хэмжээтэй шингэн мансууруулах бодис Ш.Э гэх хүнтэй хамт олж авч худалдсан хэмээн яллах дүг­нэлт үйлд­сэн аж. Харин шинэ төрлийн уг бо­дисыг нь “Флаш” хамтлагийн дуучин Г.Мяг­мар­цэнд худалдан авч, хадгалсан хэмээн бу­руут­гагджээ.

Тагнуулынбайгууллагынханөнгөрсөноны арван­хоёрдугаар сарын эхээр шингэн ман­сууруулах бодис хилээр нэвтрүүлэхийг завдсан хэд хэдэн хүнийг саатуулсан бөгөөд мөрдөн шалгах ажиллагааг цааш үргэлжлүүлэхэд дээр нэр дурдсан залуус худалдан авч, цааш борлуулсан нь тодорхой болсон аж.

Улмаар гол зохион байгуулагчийнх нь үйлдлийг тусгаарлан, бусад гурван хүний үйлд­лийг шүүхээр шийдвэрлүүлэхээр шилжүүл­сэн юм байна. Шүүхийн хэлэлцүүлэг болон мөрдөн шалгах ажиллагааны явцад З.Од­баяр, Б.Зориг нар шингэн мансууруулах бодис Г.Мягмарцэндэд 600 000 төгрөгөөр бор­луулсан нь тогтоогджээ. Тиймээс шүүх З.Од­баяр, Б.Зориг нарт хоёр жил зургаан сар, Г.Мяг­марцэндэд нэг жил зургаан сарын хугацаагаар хорих ял шийтгэв.