Тулаанчдын дараагийн тэмцээн долоодугаар сард болох нь 

БНСУ-ын тулааны спортын “Black combat” холбооноос зохион байгуулсан “Black сup 2026”-д Монголын холимог тулааны болон бө­хийн спортын тамирчид эхний тулаанаа БНХАУ-ын багтай Осан хотын “Black аgora” ор­донд өнгөрсөн сард өрнүүлж, 7:0-ээр ялалт бай­гуулсан юм. Азийн бүс нутгийн шилд­гүүдийг нэг дор цуглуулдаг уг цувралд энэ удаа олон улсын хэмжээний томоохон тулааныг баг­таас­наараа онцлог. Долоон жинд өрсөлдөх тулаанчид 720 сая төгрөгийн шагналын сангийн төлөө хүч чадал, ур чадвараа сорино. Багаараа тулалдах өрсөлдөөнд улс бүр хамгийн шилдэг тулаанчдаа жин тус бүрд оролцуулж, нийлбэр амжилтаар нь ялагчийг тодруулдаг. Богино ху­гацаанд гурван үе үргэлжлэх тулаант тэмцээн олон орны үзэгчийн анхаарлыг татсан. Да­раагийн тулаанаа долоодугаар сард хийхээр тов­лосон Монголын багаас +84 кг-д Э.Үнэнхүү, -84 кг-д жиү жицүгийн тамирчин Г.Гантулга, 77 кг-д Б.Бүрэнзориг, 70 кг-д Э.Гантөмөр, 66 кг-д П.Сод­номдорж, 61 кг-д Ш.Бат-Итгэлт, 57 кг-д байл­дааны самбогийн тамирчин Г.Баяндүүрэн нар бэлтгэлээ базааж байна.