Монголын жүдо академийнхан хошой аварга багаар шалгарав 

Батлан хамгаалах яамны харьяа Зэвсэгт хүчний “Алдар” спорт хорооноос зохион байгуул­сан залуучуудын УАШТ-д хот, орон нутгийн 40 байгууллагын 314 тамирчин хүч сорьсноос “МонАлтиус Цагаанбаатар академи”, Монголын жүдо академи, “Иппон дожо” клубийнхэн тус бүр гурван алтан медаль хүртсэн амжилтаар тэр­гүүн байрт шалгарлаа. Тэмцээнийг хамгийн сонир­холтой, өрсөлдөөнтэй болгосон холимог багийн төрөлд Г.Бат-Эрдэнэ дасгалжуулагчийн удирд­лагад оролцсон Монголын жүдо ака­демийнхан түрүүлж, хошой аварга баг болов. Тэдэнтэй тэргүүн байрын төлөө өрсөлдсөн Ч.Ма­рал-Эрдэнэ дасгалжуулагчтай Орхон айм­гийн “Ирээдүйн одод” багийнхан удаалж, “Мон Алтиус Цагаанбаатар академи”, “Женко клуб”-ийнхэн хүрэл медальтай өндөрлүүлсэн юм. Энэ удаа түрүүлсэн Монголын жүдо акаде­мийн багаас эмэгтэйчүүдийн 57 кг-ын жинд Б.Батсувд, 63 кг-д Х.Ариунтунгалаг алт, 78 кг-д Б.Хүслэн хүрэл медаль хүртжээ. Эрэг­тэйчүүдээс 90 кг-дБ.Мөнгөндөл, 100 кг-дУ.МөнгөнУчрал алт, Э.Тэнгис хүрэл медаль зүүв.