Есдүгээр сарын 7-нд буюу даваа гарагт ОХУ болон БНАСАУ-ыг холбосон анхны авто замын гүүр нээгджээ.
Нэг километр урт, хоёр эгнээтэй гүүр нь Солонгосын дайны дараа 1959 онд ашиглалтад орсон “Найрамдал” гүүрний төмөр замын хажууд байрладаг.
Хэдэн жилийн турш хэлэлцэгдэж байсан гүүрийн барилгын ажил ОХУ-ын Ерөнхийлөгч Владимир Путины 2024 онд Хойд Солонгост хийсэн айлчлалын дараа буюу өнгөрсөн оны дөрөвдүгээр сард эхэлсэн байна.
"Хилийн тээврийн дэд бүтцийг өргөжүүлэх нь Оросын Холбооны Улс болон Ардчилсан Солонгосын хоорондын худалдаа, эдийн засаг, шинжлэх ухаан, технологи, соёлын хамтын ажиллагааг цаашид хөгжүүлэхэд хүчтэй түлхэц болно гэдэгт би итгэлтэй байна" гэж гүүрийн нээлтийн ёслолыг онлайнаар үзсэн ОХУ-ын Ерөнхий сайд Михаил Мишустин хэлэв.
“Хасан” автомашины шалган нэвтрүүлэх цэгийн төслийн хүчин чадал нь өдөрт 300 тээврийн хэрэгсэл буюу 2000 гаруй хүн нэвтрүүлэх боломжтой бөгөөд цаашид өргөтгөх боломжтой юм.
