Хөл бөмбөгчид хэсгээ тэргүүлж, 2029 онд болох тэмцээнд оролцоно 

Улаанбаатарт зохион байгуулсан хөл бөмбөгийн 20 хүртэлх нас­ныхны Азийн аварга шалгаруулах тэмцээний урьдчилсан шатны I хэсгийн тэмцээн болж өндөрлөлөө. Тус тэмцээний эхний тог­лолтод Монголын залуучуудын шигшээ Умард Марианы Ар­луудын багийг 7:0-ээр илүүрхэн гурван оноо авч хошуучилж эхэл­сэн. Тэгвэл хоёр дахь тоглолтоо Гуамын шигшээтэй хийж, хэн нь хэсгээ тэргүүлэхээ шийдэхээр ширүүхэн өрсөлдөв. Тун сонир­холтой өрнөсөн тоглолтын 16 дахь минутад манайхнаас 10 дугаартай Н.Эрдэнэбаатар чөлөөт цохилтоос өмнөх тоглолтын адил тооны харьцааг нээж, 34 дэх минутад Г.Ёндонжамц хоёр дахь гоолыг оруулсан. Тоглолтын II үед талбайд тоглохоор орж ирсэн Б.Хабул 66 дахь минутад эсрэг багийн хаалганд гурав дахь гоо­лыг хийж, үндсэн цагт 3:0-ээр ялалт байгуулснаар зургаан оноо, 10 гоолтой тэргүүн байрт шалгарав. Ингэснээр Монгол, Гуам улсын шигшээ багийнхан 2029 онд зохион байгуулах урьд­ чил­сан шатны үндсэн эрхийн төлөө өрсөлдөх эрхээ авлаа.