Хууль сахиулагч бэлтгэх хөтөлбөрийг хүний эрхийн зарчимд нийцүүлж байна 

НҮБ-ын Хөгжлийн хөтөлбөрийн санхүүжилтээр Хүний эрхийн үндэсний комисс (ХЭҮК), ХЗДХЯ, ЦЕГ, Дотоод хэргийн их сур­гууль хамтран “Монгол Улсын хууль сахиулах ажиллагаанд хүнийэрх,жендерийнтэгшбайдал, авлигынэсрэгүйлажиллагааг дэм­жих нь” төсөл хэрэгжүүлж буй. Төслийн хүрээнд цагдаа, шүүхийн шийдвэр гүйцэтгэх чиглэлийн сургалтын хөтөлбөрт тусгасан 25 хичээл, сургалтын хэрэглэгдэхүүнд хүний эрхийн шалгуур үзүүлэлтийн дагуу үнэлгээ хийж, батлуулахад бэлэн болжээ. Өөрөөр хэлбэл, хууль сахиулагч бэлтгэх сургалтын хөтөлбөрийг хүний эрхийн зарчимд нийцүүлж байна.

Мөн Дотоод хэргийн их сургуулийн багш, профессор, судлаачдын мэргэжлийн хөгжлийг дэмжих, энэ хичээлийн жилд хэрэг­жүүлэх бодлого, зорилт, арга хэмжээний талаар нэгдсэн ойл­голт өгөх зорилготой сургалт, семинар зохион бай­гуулсан байна. Энэ талаар ХЭҮК-ын гишүүн Б.Энхболд “Хууль сахиулах байгууллагын алба хаагчдыг бэлтгэх сургалт нь хүний эрхийн мэдлэг, ойлголт, зөв хандлагыг төлөвшүүлэхэд чиглэх учиртай. Хууль сахиулагчид зөвхөн гэмт хэрэгт холбогдсон, хууль зөрч­ сөн этгээдтэй харилцдаггүй, хохирогч, хүүхэд, эмэгтэйчүүд, хөгж­лийн бэрхшээлтэй хүн, ахмад настан, түүнчлэн эрх ашгаа өөрөө хамгаалах боломжгүй, тусламж, дэмжлэг шаардлагатай иргэд­тэй ажилладаг. Иймд тэдгээр ир­гэний эрх, эрх чөлөөг хүндэт­гэн, хамгаалж, шаардлагатай дэмжлэг, туслалцааг үзүү­ лэх мэдлэг, ур чадвар, хандлагыг хууль сахиулагчдад төлөв­шүү­ лэх нь чухал” гэв.