“Сэргээгдэх эрчим хүчээр хангах тендер хууль бус” 

УИХ-ын гишүүн М.Энхцэцэг Эрчим хүчний яам (ЭХЯ)-наас зарласан говийн бүсийн сэргээгдэх эрчим хүчний аукционтой холбоотой асуудлаар мэдээлэл хийв. Тэрбээр Говийн бүсэд 600 МВт-ын нар, салхины эрчим хүчний үүсгүүр барих, улмаар “Оюутолгой” компанийг дотоодын цахил­гаанаар хан­гах сонгон шалгаруулалтыг шүүмжиллээ. Тодруулбал, өр­сөл­­дөөнт сонгон шалгаруулалтыг зохион байгуулахдаа хүчин чад­лыг нь заавал дурдах Сэргээгдэх эрчим хүчний тухай хуу­лийн заалтыг зөрчсөн, мэ­дээл­лийг хүртээмжтэй тараа­гаагүй, нууцаар тендер зарласан зэргийг онцлов. 

Түүнчлэн сонгон шал­гаруулалтыг салбарын яамныхаа шинжлэх ухаан, технологийн зөв­лөлийн хурлаар хэлэлцээгүй, тоо­цоо, судалгаа, техник, эдийн засгийн үндэслэлийг батал­гаажуулаагүй гэсэн юм. Мөн хамгийн ноцтой нь 600 МВт буюу жилд 1.7 тэрбум кВт/цаг үйлдвэрлэх нар, салхин станцыг говьд барих нөөцгүй тул урд хөршийн системтэй хол­бог­до­хоос аргагүйд хүрнэ. Үүнээс улбаалан зүүн бүсийн айм­гууд хятадын эрчим хүчний системээс бүрэн хараат болох эрсдэлтэйг дурдав.

С.Дулам