Валют солиулах гээд 93 сая төгрөгөө залилуулжээ 

Валют солиулах гээд залилуулсан гэх дууд­лага өнгөрсөн сарын 29-нд цаг­даа­гийн байгууллагад бүртгэгдсэн байна. Эл гомдол, мэдээллийн дагуу шал­гал­тын ажиллагаа явуулахад иргэн Л юань со­лиулах зорилгоор фэйсбүүк дэх зарын да­гуу үл таних этгээдтэй холбогдож, ул­маар гурван удаагийн гүйлгээ­гээр нийт 93.9 сая төгрөг шилжүүлэн залилуулсныг тог­тоожээ. Цагдаагийн байгууллагаас ту­хайн дансанд барилт хийж, хэргийг үр­гэлж­лүүлэн шалгаж буй талаар мэ­дээл­сэн юм. Цахим ор­ чинд нийтэлсэн за­рын цаана залилагч эт­гээд байж бол­зош­гүй тул аливаа сан­хүүгийн гүйлгээ хийх­дээ нягталж, эрс­дэлээс сэр­гийлэхийг ал­ба­ны­хан сануулсан юм.

Ташрамд, он гарснаас хойш найман сарын байдлаар цагдаагийн бай­гуулла­гад нийт 31 233 гэмт хэрэг бүрт­гэгд­­ сэнээс 34 хувь буюу 10 633 нь залилах гэмт хэрэг байжээ. Бүртгэгдсэн залилах гэмт хэр­гийн 76 хувийг цахим орчинд үйлд­сэн аж.

Ч.Цэлмэг