БНХАУ-ын Шанхай хотын Засгийн газар усны судлуудынхаа экологийн байдлыг сайжруулах кампанит ажлын хүрээнд он гарснаас хойш бүх эх үүсвэрийнхээ 90 хувийг цэвэрлэжээ. Үлдсэн гол, мөрнийг энэ онд багтаан цэвэрлэх гэнэ. Өнгөрсөн хугацаанд 1774 гол, мөрнийг “ариутгаж”, эрэг дагуух 1540 км газар нутаг дахь хууль бус барилгуудын 99 хувийг буулгасан байна. Шалгалтын явцад 102 үйлдвэр экологийн ноцтой зөрчил гаргасныг тогтоож, 8.2 сая ам.долларын торгууль ногдуулав.
