Хуурмаг мэдээлэл хуудуутай шийдвэр болдог уу
ЦУОШГ-ын хариуцдаг agaar.m сайт Зуун айл орчмын агаарын чанарын индексийг 226 гэж мэдээлж байхад нэг өдөр, нэг цаг минутад АНУ-ын Байгаль орчныг хамгаалах агентлагийн “AirNow” сайт 667 гэж мэдээлж байна. Олон улсын байгууллагын хэмжигч төхөөрөмжид итгэж шийдвэр гаргах уу, өөрсдийн суурин харуулуудын “бага бохирдолтой” мэдээлэлд итгэх үү. Индекс хоорондын зөрүү нь 441 нэгж гээд бод доо.
2024-12-23
Утаатай, түгжрэлтэй, цахилгаангүй улсад ногдол ашгийг хугацаанаас нь өмнө тараах санхүүгийн чадамж бий гэж үү
Ерөнхий сайд Л.Оюун-Эрдэнэ 2025 оны улсын төсвийг хоёр удаа хэлэлцэхэд байгаагүй. Ерөнхийлөгчийг шуурхай хуралд дуудахад ч ирээгүй. Агаарын бохирдол аюултай түвшинд хүрч, хүүхдүүд эмнэлгийн шалан дээр хэвтэж байхад тэрбээр “хүндэтгэх шалтгаантай” л байв. Олон нийт ч үүнд маш их бухимдсан, “Иргэд угаартахаас өөр хүндэтгэх шалтгаан Ерөнхий сайдад байх ёсгүй” гэж хатуу шүүмжилсэн. Нэмээд Ерөнхийлөгч У.Хүрэлсүх хамтарсан засгийг “найрааны” гэж цоллон, ямар нэгэн улс төр явуулж байж болзошгүй нөхцөл байдал цухуйлгасан нь Ерөнхий сайд Л.Оюун-Эрдэнийг ийнхүү түргэн авхуулсан гэж хардах хүн олон.
2024-12-23
Төрөө хамтран байгуулж, төсвөө дахин хэлэлцсэн жил
Тавхан хувийн зөрүү мэт харагдавч үр дүнд нь МАН парламентад 68, АН 42 суудал авсан юм. Нэг ийм “гажуудал” нь сонгуулийн системээ шинэчлээд ч өөрчлөгдсөнгүй. Улмаар ХҮН нам найм, ИЗНН болон Үндэсний эвсэл тус бүр дөрвөн төлөөлөлтэй болжээ. Найман жилийн турш үнэмлэхүй олонх байсан МАН-ыг унагаж дөнгөсөнгүй.
2024-12-23
Ж.САЙНЗАЯА: Уулан дээрээс утаа дурандаж, түүхий нүүрстэй тэмцэх нь төрийн хийх ажил биш
Ерөнхий сайд Л.Оюун-Эрдэнэ “Утаа Их тэнгэрт ороод ирчихсэн байна. Бидний асуудал биш гээд суугаад байж болохгүй нь” гэсэн утга агуулгатай зүйл ярилаа. Энэ юу гэсэн үг вэ. Агаарын бохирдол та нарын асуудал биш байсан юм уу. Бид утаагүй газарт амьдардаг учраас энэ асуудал падлийгүй гэж боддог байсан хэрэг үү. Ерөнхий сайд 2025 оны төсөв хэлэлцэх үеэр гадаадад зугаалж зугаалчхаад, баталсных нь дараа гэнэт гарч ирээд “Утааны асуудлаа хэлэлцье. Хууль, журам, төсөв хөрөнгө гэж бий юү, мэдэж байна уу” гэж ярих юм.
2024-12-20
Бэлэн байдлаа хангаагүй ЭМЯ-ныханд хариуцлага тооцъё
Ирээдүйд Монголыг удирдаж, хөгжүүлэх хүүхдүүд өнөөдөр эмнэлгийн шалан дээр ханиад, хатгалгаандаа баригдчихсан хэвтэж байна. Тэднийг энэрч өрөвдөх эрх мэдэлтэн энэ улсад нэг ч алга. Угаасаа л ийм байж ирсэн дээ. Эрх баригчид жил бүрийн энэ үеэр хүүхдийн өвчлөлд анхаарах нь битгий хэл, аль хэдийн утаагаар улс төр хийн, яавал түүгээр далимдуулан хэдэн төгрөг шамшигдуулах вэ гэдэг “марафон”-д гүйж байдаг.
2024-12-20
Утааг бууруулах “алсын хараа” байтугай ойрын төлөвлөгөө ч алга
Ердөө гурав хоногийн өмнө буюу энэ сарын 17-нд Улсын онцгой комисс (УОК) Ерөнхийлөгч У.Хүрэлсүхийн “дохиур”-аар хуралдаж, утаа бууруулах асуудлыг хэлэлцээд, хэд хэдэн шийдвэр гаргасан. Гэтэл сураггүй болоод байсан Ерөнхий сайд Л.Оюун-Эрдэнэ, нийслэлийн Засаг дарга Х.Нямбаатар нар маргааш нь гэнэт гарч ирээд, тэдний юу хэлэлцсэнийг үл тоон, дахиад л өөр ажил хийх гэж байгаагаа мэдэгдэв. Товчхондоо, эрх баригчдын хөл, толгой нь олдохоо больчихлоо.
2024-12-20
Олны танил хүмүүсийн зохисгүй үйлдэл иргэдийг бухимдуулав
Олны танил хүмүүсийн ёс зүйгүй үйлдэл иргэдийг бухимдуулж, бас хүүхэд, залууст буруу үлгэр дуурайл үзүүлж байна. Жишээ нь, “Этик” продакшны жүжигчин С.Одбаярын бусдыг цохиж гэмтээж буй дүрс бичлэг уржигдар цахим орчинд тархав. Үүний дагуу цагдаагийн байгууллагаас шалгаж буй юм билээ.
2024-12-18
У.Хүрэлсүхийн “нударган” дор УОК-ынхон гэнэт ухаан оров
Түүнчлэн сайжруулсан түлшийг олон улсын лабораторид шинжлүүлэх гэнэ. “Маш чанартай түлш үйлдвэрлэж байгаа” гэж эрх баригчид сүүлийн зургаан жилийн турш суртал ухуулга хийчхээд одоо чанарт нь эргэлзэж эхэлсэн нь хачирхалтай биш гэж үү. Өнгөрсөн жилүүдэд өчнөөн олон хүн угаартаж амиа алдсаар байхад түлшээ шинжлүүлэхгүй юугаа хийж байсан юм бэ. Бас түлшийг буруу хатааснаас болоод утаа их гарсан гэх “нээлт” хийжээ. Эрх баригчдын энэ мэт “технологи”-оос ажиглавал тэд утаа ихэссэний бурууг нэг талаас иргэдэд, нөгөө талаас түлшинд “тохох” маягаар цаг аргацаасаар хүйтний улирлыг дуусгах төлөвтэй.
2024-12-18
Эрчим хүчний салбарт иргэдийн аюулгүй байдал хөсөр хаягджээ
Цахилгаантай холбоотой ослын улмаас жилд дунджаар 500 мянга орчим хүн амиа алдаж, сая сая хүн бэртэж гэмтдэгийг Дэлхийн эрүүл мэндийн байгууллага (WHO)-ын мэдээлэлд дурджээ. Энэ төрлийн осол нь ажлын байран дахь үхлийн шалтгааны дөрөвдүгээрт эрэмбэлэгддэг гэнэ. АНУ-д зөвхөн өнгөрсөн онд гэхэд 300 гаруй ажилтан цахилгааны ослын улмаас нас барсныг Хөдөлмөрийн аюулгүй байдал, эрүүл ахуйн удирдлагын байгууллага (OSHA)-аас нь мэдээлсэн байна.
2024-12-18
Заваараа ажлаа хийдэг гишүүд
Үндсэн хуулийн 23.1-т “УИХ-ын гишүүн бол ард түмний элч мөн бөгөөд нийт иргэн, улсын ашиг сонирхлыг эрхэмлэн баримтална” хэмээн заасан байдаг. Гэвч энэ үндсэн үүргээ биелүүлэхэд биш, хувийн ажлаа амжуулахад санаа тавьдаг гишүүн манай парламентад цөөнгүй байна. Тэгээд зав гарвал үндсэн ажилдаа ирдэг бололтой юм.
2024-12-17
Ахмадуудад Ардын намыг сурталчлахаас өөр ажил алга
Манай улсын Хөдөлмөрийн тухай хуульд “Ахмад настан, тэтгэвэр авагч хөдөлмөр эрхэлж болно” гэж заасан нь сайшаалтай. Гэвч ажлын байрны олдоц тааруу, үйлдвэрлэл, үйлчилгээ эрхлэх боломж хомс байгаа нь ахмадуудын хөдөлмөрлөх эрхийг хязгаарлаж буй юм.
2024-12-17
Регистрийн дугаар бүх шатанд алдагдсаар байх уу
Хэдхэн хоногийн өмнө хүүхдийнхээ сим картыг сэргээхээр “Юнител”-ийн нэгэн салбарт очлоо. Үйлчилгээний ажилтан нэгж авахаар ирсэн ахмадууд болон сим карт сэргээлгэхээр хандсан иргэдийн утасны болон регистрийн дугаарыг асууж, тэрүүгээр нэг орилох. Үйлчлүүлэгчид ч түүнд нь огтхон ч цааргалахгүй бөгөөд олон хүний дунд өөрсдийн хувийн мэдээллийг хээвнэг хэлж байх юм.
2024-12-16
НИТХ-ынхны баталсан үрэлгэн төсөв иргэдэд өгөөжөө өгөх үү
Хотын сурагчид өнөөдөр шаардлага хангахгүй түрээсийн байранд хичээллэж, нэг ширээнд гурваараа чихэж, багачууд нь цэцэрлэгт бүрэн хамрагдаж чадаагүй өнөө л янзаараа байна. Ер нь хотын статустай аж төрсний шанд зам түгжрэлтэй, агаар утаатай, угаартай, захын хорооллын зарим гудамж гэрэлгүй, тоглоомын талбай бүрэн бус, иргэд шаардлагад нийцсэн орон сууцгүй, автобус хүрэлцээгүй гээд өдий төдий асуудалтай өдөр бүр нүүр тулж буй. Эцэст нь хүүхдүүд ханиаданд, томчууд хавдарт дарлуулах маягтай шар нар, бор хоногийг өнгөрүүлж байна. Энэ бүгдийг эхнээс нь засаж залруулж, хөгжил дэвшил авчирна гэж итгэсэн учраас бид орон нутгийн сонгуульд Х.Нямбаатарын багийг сонгож, татвар төлж, хотоо удирдуулж буй. Гэхдээ...
2024-12-10
Хорт хавдрын хоцрогдсон системийн золиос болсон монголчууд
Монгол Улс хорт хавдрын оношилгооны чанар, хүртээмжээ сайржуулахгүйгээр, тоног төхөөрөмжөө шинэчлэхгүйгээр, эмчилгээний дэвшилтэт арга, технологи нэвтрүүлэхгүйгээр энэ өвчинтэй тэмцэж үнэндээ хүчрэхгүй нь ээ. Жил бүр 7000, 8000 хүн уг өвчнөөр оношлогдож байгаагийн 65-70, зарим тохиолдолд 85 хувь нь хожуу шатандаа хавдартай нь илэрч байна.
2024-12-10
Халтирч унасан газрынхаа эзэмшигчээс хариуцлага нэхье
Нийслэлийн зам, талбай уламжлал ёсоор мөс, цасанд хучигдаж, хаа сайгүй гялаан гөлөөн үүсээд байна. Үүний улмаас хөгшин, залуугүй халтирч унан, гэмтэж бэртэх нь олшров. Тодруулбал, манай улс зам, талбай барьж, байгуулах стандартаа мөрддөггүй, орчны эрүүл ахуйн дүрэм журмаа хаана хаанаа биелүүлдэггүйгээс сүүлийн жилүүдэд халтиргаа гулгаанаас үүдэлтэй осол, гэмтэл огцом нэмэгдэх боллоо.
2024-12-05
Х.Нямбаатар ирэх жил бондын мөнгө, автомашины татвараар тансаглах нь
Нийслэлийн ирэх оны төсөв түүхэн дээд хэмжээнд буюу 3.8 их наяд төгрөгт хүрч нэмэгдлээ. Хотын дарга Х.Нямбаатарын хэлснээр бол төсвийн 85.9 хувь буюу 3.3 их наяд төгрөгийг татвараас бүрдүүлэх юм байна. Улаанбаатарын иргэд, аж ахуйн нэгж, байгууллагуудын нуруун дээр ийм хэмжээний ачаа ирнэ гэсэн үг. Учир нь хотын төсвийг томруулахын тулд зарим төрлийн татварыг 2.5-5 дахин нэмж, бас торгууль, шийтгэврийн замаар татаж авах орлогоо ч эрс ихэсгэв. Товчхондоо, иргэдээ “холгох” төсвийг Засаг дарга Х.Нямбаатар нийслэлийн ИТХ-ын босгоор төвөггүй давуулж, МАН олонх буюу 45 суудлын 40-ийг нь авсан хотын парламент ч торох зүйлгүйгээр баталчихлаа.
2024-12-05
Жендерийн үндэсний хорооныхон цаасан дээр л “ажилласаар” байх уу
Монголын морин спорт, уяачдын холбооны VIII их хурал уржигдар Төрийн ордонд болсон юм. Холбооныхоо ерөнхийлөгчийг сонгох уг хурлын үеэр нэр бүхий нэгэн уяач “Чадвартай, чадалтай эрийн хуйх морь унадаг болохоос биш, охин шиг юмнууд чадахгүй” хэмээн хэвлэлд ярьжээ. Охин шиг гэдэг нь яг ямар утга илэрхийлнэ вэ. Үүний цаана “уйланхай, уяхан, турьхан” гэсэн санаа цухалзаж байна уу. Цовоо, цолгиун уралдаанч охид бишгүй олон.
2024-12-04
