“Дорнодын хээрийн түймэрт 8000 га газар өртсөн”
Дорнод аймгийн Халхгол сумын Ялалт хоёрдугаар багийн нутаг, Сангийн далай хэмээх газарт хээрийн түймэр гарсан тухай дуудлага, мэдээлэл Онцгой байдлын ерөнхий газарт уржигдар 10.50 цагт бүртгэгджээ.
2026-09-16
Орос хэлний багш нарыг ОХУ-д мэргэжил дээшлүүлэх санал солилцов
Монгол, Оросын боловсролын салбарын хамтын ажиллагааны асуудлаар хоёр талын харьяа яамны Төрийн нарийн бичгийн дарга нар өчигдөр уулзаж, санал солилцов. Уулзалтаар хоёр улсын ерөнхий боловсролын салбарын хамтын ажиллагаа, Монгол, Оросын хамтарсан сургуулиудын үйл ажиллагаа, орос хэлний сургалтын чанар, багшийн мэргэжлийн хөгжлийн талаар ярилцсан байна.
2026-09-16
Аж үйлдвэрийн салбарын гүйцэтгэл 56.3 хувиар өссөн байна
Манай улсын аж үйлдвэрийн салбарын нийт үйлдвэрлэл энэ оны эхний найман сарын урьдчилсан гүйцэтгэлээр 49.9 их наяд төгрөг болж, өнгөрсөн жилийн мөн үеийнхээс 18 их наяд төгрөгөөр буюу 56.3 хувиар өссөнийг Үндэсний стаитсикийн хороо (ҮСХ)-ноос мэдээллээ.
2026-09-16
Үйлдвэрчийн эвлэлийн ажилтан, гишүүд хүний эрхийн сургагч багш болно
Хүний эрхийн үндэсний комисс (ХЭҮК), Монголын үйлдвэрчний эвлэлийн холбоо (МҮЭХ) хамтран ажилтан, гишүүдэд зориулсан хүний эрхийн сургагч багш бэлтгэх хоёр өдрийн сургалт зохион байгуулж байна. Сургалтаар хүний эрхийн суурь ойлголт, хөдөлмөрлөх болон эвлэлдэн нэгдэх, ажлын байрны хүчирхийлэл, бэлгийн дарамтаас урьдчилан сэргийлэх зэрэг сэдвээр мэдлэг олгож, практик ур чадвар эзэмшүүлж буй аж.
2026-09-16
НХОГ-ын удирдлагын хахуулийн хэргийг шүүхэд шилжүүлэв
Нийслэлийн Хөрөнгө оруулалтын газар (НХОГ)-ын даргаар ажиллаж байсан С.Цэдэнсодном, ерөнхий инженерээр ажиллаж байсанТ.Оргил-Эрдэнэ болон Б.Батцэнгэл, Ч.Чинзориг, Т.Бат-Оргил, Х.Чулуунбаатар, Н.Нямдорж, Ч.Ганчөдөр, Ч.Баярхүү, У.Одгэрэл, Х.Наранцэцэг, В.Болорцэцэг, М.Гомбосүрэн, Б.Боролзойхүү, БНХАУ-ын иргэн Ли Жи Тао нарын 15 хүн, хэд хэдэн аж ахуйн нэгжид холбогдох хэрэгт прокурор яллахдүгнэлт үйлдэж, Баянгол, Хан-Уул, Сонгинохайрхан дүүргийн эрүүгийн хэргийн анханшатны тойргийн шүүхэд шилжүүллээ.
2026-09-16
Японы хиймэл дагуулын технологи ашиглах нь
АҮЭБЯ-ны төлөөлөл японы Кисо Жибан компани болон ЖАЙКА-гийн төлөөлөгчдийг өчигдөр хүлээн авч уулзжээ. Энэ үеэр тус улсын хиймэл дагуулын SAR технологийг ашиглан уул уурхайн хаягдлын далангийн нуралт, хөрсний гулгалт, ус нэвчилт, бэлчээрийн гарц, газрын гадаргын хөдөлгөөн, хэв гажилт зэргийг тодорхойлох, эрсдэлийг урьдчилан мэдэх, хянах боломжтой талаар мэдээлээд цаашид хамтран ажиллах боломжтойг илэрхийлжээ.
2026-09-16
Цахилгааны 26 мянга гаруй шонд шувуу хамгаалах тусгаарлагч суурилуулжээ
Монгол орон нь Төв Азийн махчин шувуудын чухал бүс нутаг бөгөөд бүргэд, харцага, сар, тас, ёл, шонхор зэрэг 40 гаруй зүйл бүртгэгдсэн байдаг. Гэвч сүүлийн жилүүдэд бүргэд тэргүүтэй махчин шувууд өндөр хүчдэлд цохиулан олноор хорогдсоор байгаа тул тэднийг хамгаалах ажил тасралтгүй үргэлжилж, холбогдох стандартыг шинэчилжээ.
2026-09-16
“Дарханы төмөрлөгийн үйлдвэр”-ийн албан тушаалтнуудыг шалгаж дууслаа
“Дарханы төмөрлөгийн үйлдвэр” ХХК-ийн албан тушаалтнууд эрх мэдлээ урвуулж, өөрсдөдөө болон хамаарал бүхий хүмүүс, аж ахуйн нэгжүүдэд давуу байдал олгосон хэрэгт холбогдсон тохиолдол нэг бус. АТГ-ын Мөрдөн шалгах хэлтсийнхэн энэ сарын 7-13- ны хооронд эрүүгийн 1035 хэрэгт мөрдөн байцаалт явуулснаас есийг нь шүүхэд шилжүүлэх саналаа илэрхийлэн прокурорын байгууллагад хүргүүлсний дотор дээрх компанийнхантай холбоотой үйлдлүүд багтжээ.
2026-09-16
“Солонго 1, 2” орон сууцад хамрагдах иргэдийн хүсэлтийг ирэх сарын 10-14-нд цахимаар хүлээн авна
Түрээслээд өмчлүүлэх “Солонго 1, 2” төслийн орон сууцад хамрагдах иргэдийн дунд ихээхэн хүлээлт үүсээд байгаа билээ. Залуу гэр бүл, төрийн албан хаагч, хувиараа хөдөлмөр эрхлэгч, ахмад настан, хөгжлийн бэрхшээлтэй, дөрөв ба түүнээс дээш хүүхэдтэй, өрх толгойлсон, байгалийн гамшгийн улмаас гэр оронгүй болсон зэрэг зорилтод бүлгийнхний эл орон сууцад орох хүсэлтийг найм, есдүгээр сард цахимаар авна хэмээн Төрийн өмчит орон сууцын корпорацаас мэдээлж байв.
2026-09-16
Олон сүмийн дурсгалт газраас Чингис хааны билиг сургаал бүхий үйсэн судар илрүүлжээ
Өвөрхангай аймгийн Уянга сумын нутагт орших Олон сүмийн дурсгалт газарт хийсэн археологийн малтлагаар Чингис хааны билиг сургаал бүхий үйсэн судар болон XVI-XVII зуунд холбогдох ховор олдвор илрүүлээд байна. Эдгээр нь Монголын бурхны шашны түүх, бичиг соёлын судалгаанд нэн шаардлагатай шинэ хэрэглэгдэхүүн болж буйгаараа чухал ач холбогдолтой юм.
2026-09-16
Озон задалдаг бодисын хэрэглээг 99 хувиар бууруулжээ
Жил бүрийн есдүгээр сарын 16-ныг Дэлхийн озоны давхаргыг хамгаалах өдөр болгон тэмдэглэдэг уламжлалтай. Уур амьсгалын өөрчлөлт улам эрчимжиж буй энэ үед хүн төрөлхтний хамтын хүчин чармайлтын хамгийн амжилттай жишээнүүдийн нэг болох Озоны үе давхаргыг хамгаалах Венийн конвенц, Монреалийн протоколын хэрэгжилтэд улс орнууд онцгой анхаарал хандуулж байна.
2026-09-15
Циркийн хөгжлийн төвийнхөн олон улсын тэмцээнээс “Алтан цом” хүртлээ
ОХУ-ын Москва хотноо жил бүр уламжлал болгон зохион байгуулдаг Олон улсын циркийн жүжигчдийн уралдааны хүүхдийн насны ангилалд Циркийн хөгжлийн төвийн уран бүтээлчид тэргүүлж, “Алтан цом” хүртэв. Тэргүүн байрын үзүүлбэрийг дасгалжуулагч багш Ц.Сэлэнгэ, Ч.Урангоо нар бэлтгэж, Д.Чёрнов найруулан, Е.Павел бүжгийг нь дэглэжээ.
2026-09-15
Монголын шатарчид Киргизийн багийг хожлоо
Дэлхийн шатрын III пара олимпиадад өрсөлдөж буй Монголын шигшээ баг гуравдугаар өрөгт Киргизийн багийг 3:1-ээр буулган авлаа. Узбекистаны Самарканд хотод энэ сарын 10-18-нд үргэлжилж буй тус тэмцээний эхний өрөгт манай тамирчид чансаагаар тэргүүлэгч Польшийн багтай 2:2-оор тэнцсэн юм.
2026-09-15
Хавдрын тусламж үзүүлэх 105 мэргэжилтэн бэлдэв
Хавдар судлалын чиглэлээр төрөлжсөн болон мэргэшлийн сургалт амжилттай дүүргэсэн эмч нарт мэргэжлийн үнэмлэх гардуулах арга хэмжээ Хавдар судлалын үндэсний төв (ХСҮТ)-д болов. Тус төв 2000 оноос хойш хавдар судлалын мэргэжилтнүүд бэлдэж буй юм. Үүний хүрээнд өнөө жил 26 дахь төгсөлтөө хийсэн юм.
2026-09-15
Шахмал түлшийг өнөөдрөөс борлуулж эхэлнэ
2026-2027 оны халаалтын улирал эхэлж буйтай холбогдуулан нийслэлийн хэмжээнд шахмал түлшийг өнөөдрөөс борлуулж эхэлнэ. Энэ өвөл нийслэлийн долоон дүүрэгт шахмал түлш борлуулах 500 цэг ажиллуулахаар төлөвлөснөөс 446 нь тогтмол үйл ажиллагаа явуулж, 54-ийг нөөцөд үлдээжээ.
2026-09-15
Согтуу жолооч 10 настай хүүг дайрч, гэмтээжээ
Сүхбаатар дүүргийн нутагт энэ сарын 13-нд “Хүүхэд автомашинд дайруулсан” гэх дуудлага, мэдээлэл цагдаагийн байгууллагад бүртгэгдсэн байна. Шалгалтаар “Тоёота приус-11” маркийн автомашиныг, 32 настай Б согтууруулах ундаа хэрэглэсэн үедээ жолоодож яваад 10 настай Х гэх хүүг мөргөж гэмтээжээ.
2026-09-15