Улаанчулуутын хогийн цэгт тарьсан мод ойн зурвас үүсгэжээ 

Улаанчулуутын хогийн цэг орчмын нийт 13 хорооны 45 байршилд өнгөрсөн онд хур хог үүссэн байв. Иргэн, аж ахуйн нэгж, албан байгууллагынхан зөвшөөрөлгүй, ил задгай хог хаясны улмаас үүсмэл хаягдлын цэг ийн бий болсон аж. Харин тухайн оны тавдугаар сард “Тохижилт, цэвэрлэгээ үйлчилгээ”, “Дэд бүтцийн хөгжлийн алба” ОНӨААТҮГ, иргэд хамт­ран тухайн байршлын 500 орчим тонн хогийг ачиж, цэ­вэрлэсэн байна. Улмаар Сонгинохайрхан дүүр­гийн ЗДТГ, харьяа байгууллагууд, цэргийн ангийнхан, тус нутаг дэвсгэрт үйл ажиллагаа явуулдаг аж ахуйн нэгжийн 5000 гаруй ажилтан, албан хааг­чид хогийн цэг болсон 38 га талбайд 10 мянган мод тарьжээ. Жилийн өмнө тарьсан тэдгээр мод нь сайн ургаж, ойн зурвас үүссэн талаар нийслэлийн ЗДТГ-ын Хэв­лэл мэдээлэл, олон нийттэй харилцах хэлтсээс өчиг­дөр мэдээлэв.

Ч.Цэлмэг