Гэр бүлийн хуулиудтай холбоотой дүрэм, журам, аргачлал боловсруулж эхлэв 

Гэр бүлийн тухай хуулийн шинэ­ чил­сэн найруулга болон Гэр бүлийн хэрэг шүүхэд хянан шийдвэрлэх тухай хуулийн төслийг энэ оны долоодугаар сарын 3-нд УИХ эцэслэн баталсан. Гэр бүлийн хэрэг шүүхэд хянан шийдвэрлэх тухай хуулийг арваннэгдүгээр сарын 1, нөгөөхийг нь 2027 оны нэгдүгээр сарын 1-нээс эхлэн дагаж мөрдөх юм. Тэгвэл хуулийг хэрэгжүүлэх бэлтгэл ажлын хүрээнд Гэр бүл, хөдөлмөр, нийгмийн хамгааллын яам (ГБХНХЯ)-наас дээрх хуулиудыг даган гарах 10 дүрэм, журам, аргачлалыг боловсруулахаар ажиллаж буй аж. Энэ хүрээнд тус яамны Гэр бү­ лийн бодлогын газрын дарга Д.Мөн­гөн­­ туул болон хариуцсан албан хааг­чид нийслэл дэх Гэр бүл, хүүхдийн хэр­гийн анхан шатны шүүхийн Там­гын газ­рын дарга Б.Мөнхзориг, Хэр­гийн хө­дөлгөөний удирдлагын хэлтсийн дарга З.Баяржаргал нартай уул­заж, санал солилцов. Уулзалтын үеэр эв­лэ­рүүлэн зуучлах ажиллагаанд орол­цох сэтгэл зүйчийн ажиллах нөх­цөл бүр­дүүлэх хэрэгтэйг онцолсон. Хуу­лийг хэ­рэг­жүүлж эхэлснээр манай улсад анх удаа Гэр бүл, хүүхдийн хэргийн дагнасан шүүх үйл ажиллагаа явуулах бөгөөд хүүхдийн эрх ашиг, сонирхлыг хэрэг хянан шийдвэрлэх ажил­ла­гааны явцад тэргүүн эгнээнд хамгаалах гэнэ.

Ч.Болор