Өчигдрөөс илүү маргаашийг
бүтээхийн төлөө

БНСУ-д орсон аадар борооны улмаас долоон хүн нас баржээ

БНСУ-ын Сөүл, Кёнги зэрэг төвийн бүс нутагт энэ сарын 8-ны өдрийн орой үргэлжлэн орсон усархаг борооны улмаас үер усны аюул үүсч долоон хүн нас барж, зургаан хүн сураггүй алга болжээ.

Одоогоор Ганнам дүүрэг орчим үерийн түвшин нэмэгдэж, цахилгаан тасалдаад байна. Бусад хэсгийн оршин суугчид ажил, хичээлдээ хэвийн явж буй талаар БНСУ-д суугаа Монгол иргэн мэдээллээ. 

Үүсээд байгаа нөхцөл байдалтай холбогдуулан суугаа орны Гамшгийн аюулаас урьдчилан сэргийлэх төвөөс аврах байгууллагуудын бэлэн байдлын зэргийг “Ноцтой” түвшинд хүргэж нэмэгдүүлэв.

Төвийн бүс нутагт бороо үргэлжлэн орж барилга байгууламж усанд автах, замын хөдөлгөөн болон нийтийн тээврийн хэрэгслийн үйл ажиллагаа доголдох, хөрсний гулгалт үүсэх зэрэг эрсдэл үүсч байгаа тул болзошгүй үер усны аюулаас урьдчилан сэргийлж, сонор сэрэмжтэй байхыг ЭСЯ-наас анхаарууллаа.