МИАТ-ийн онгоц Манилад, Бахрейн дахь баг бүрэлдэхүүн аюулгүй газарт байна

Газар дундын тэнгисийн зүүн хэсэгт оршдог Израил улс АНУ-ын дэмж­лэг­тэйгээр өнгөрсөн бямба гараг буюу хоёр­ду­гаар сарын 28-ны өглөө газар нутагт нь агаа­раар довтолсны улмаас Исламын Бүгд Най­рамдах Иран Улс (ИБНИУ) ха­риу бол­гон 200 гаруй пуужин харвасан нь бүс нут­гийн, цаашлаад олон улсын түв­шинд ноц­той нөхцөл байдал үүсгэлээ. Пер­сийн бу­лан (АНЭУ, Бахрейн, Катар, Ку­вейт, Ирак, Иран, Оман, Саудын Араб орш­дог)-д өр­нө­сөн эл дайны ул­маас олон ул­сын гэрээ­гээр Бахрейнд түр ху­га­цаа­гаар ажил­лаж байсан МИАТ-ийн баг бү­рэл­дэ­хүү­нийг тү­рээслэгч тал буюу тус ул­сын үн­дэс­ний агаарын тээврийн “Gulf аir” компанийн­­­­­­хан тухайн өдөрт нь цаг алдалгүй аюул­гүй бүс рүү нүүл­гэн шил­жүүлжээ. МИАТ ТӨХК бо­лон Бах­рейны “Gulf аir” ком­панийн хоо­ронд байгуулсан нойтон түрээсний гэ­­­­рээ­ний дагуу МИАТ-ийн нисэх ба­гийн бү­рэл­дэхүүн “Boeing 787 Dream­li­ner” он­гоцоо­роо 2025 оны арванхоёрдугаар са­раас Бах­рейн-­Ма­нила чиглэлд нислэг үйл­дэж буй. Сар ту­там нисэх багийнхан со­лиг­дох зарч­маар өн­гөрсөн сарын 22-нд 30 хүний бүрэлдэхүүнтэй гуравдугаар ээлжийн­хэн Бахрейныг зорьсон. Түг­шүүрт нөх­цөл бай­дал үүсэх үед Монголын он­гоц Бах­рейнд байгаагүй буюу хуваарийн да­гуу Филиппиний Манила руу нисээд, хэдийн газардсан байсныг баттай эх сурвалж мэ­дээлсэн. Ха­рин тухайн өдөр нис­лэггүй байсан ба­гийн ги­шүүдийг Бах­рей­ны “Винд­хам гар­ден Ма­нама” зочид буудлаас нүүлгэн шил­жүүлж, аюул­гүй га­зарт хүр­гэсэн гэнэ. Аялал, амрал­тын томоо­хон бүс бөгөөд Бах­рейны олон улсын ни­сэх буудлаас хэдхэн км зайд орших тус газарт манай нисэх багийнхан байрлаж байсан. Тухайн бүсэд Амери­кийн тэнги­сийн цэргийн бааз байр­ла­даг учраас тийнхүү шуурхай нүүл­гэн шилжүүл­жээ.

Ойрх Дорнодод үүссэн дайны нөх­цөл байдлаас улбаалан олон улсын агаарын тээв­рийн компаниуд нислэгүүдээ цуц­ла­хад хүрч, бүс нутгийн агаарын хи­лүүд түр хугацаагаар хаагдсан учраас Бах­рейн дахь МИАТ-ийн ажилтнуудыг газ­раар тээ­вэр­лэн аюулгүй бүсэд хүргэсэн бө­гөөд өд­гөө Сау­дын Араб руу явуулахаар виз­ийн мэ­дүүл­гийн хариу хүлээж буй аж. “Boeing 787” хөлөгтэйгөө Манилад байгаа багийн­хан одоогоор тэндээ байрлаж, цаашид хэр­хэх талаарх шийдвэрийг хүлээж байна. Онцлон тодруулахад, Ойрх Дорнодын бүс нутагт Монголын 281 иргэн, үүнээс 33 нь Бахрейнд байгаа талаар Монгол Улсаас Кувейт улсад суугаа ЭСЯ-ны албан ёсны цахим хуудсанд мэдээлсэн байна. Ташрамд өгүүлэхэд, Америк, Израил улсууд Ираны эсрэг хийсэн ажиллагаанд дэлхий нийт хэрхэн хариу үйлдэл үзүүлснийг олон улсын агентлагууд мэдээлж байна. Британийн Засгийн газар “ИзраилАНУ-ын ажиллагаанд оролцоогүй бөгөөд энэ­хүү бүс нутгийн мөргөлдөөнийг цаа­шид хур­цатгах, өргөжүүлэхийг хүсэхгүй” гэдгээ мэдэгдэв. Гэхдээ Ираныг цөмийн зэвсэг хөгжүүлэхийг хэзээ ч зөвшөөрөх­гүй гэ­сэн байр сууриа ч илэрхийллээ. ХБНГУын канцлер Фридрих Мерц өрнөөд буй үйл явдалтай холбоотойгоор Евро­пын түн­шүүдтэйгээ хэлэлцээд, энэ долоо хо­ногт Вашингтонд Дональд Трамптай уул­за­хаар төлөвлөсөн аж. Францын Ерөн­хий­лөгч Э.Макрон НҮБ-ын Аюулгүй байд­лын зөвлөлийг яаралтай хуралдахыг уриалаад “Тегеран “сайн санааны хэлэл­цээр” эхлүүлж, цөмийн зэвсэг, тив хоорон­дын бал­листик пуужингийн хөтөлбөрөө­сөө тат­галзахаас өөр аргагүйг ойлгох ёс­той” гэ­жээ. Италийн Ерөнхий сайд “Ираны эн­гийн иргэдтэй эв санааны нэгдэлтэй байна” гэж мэдэгдэв. Итали улсын хувьд иран­чуу­дын иргэний болон улс төрийн эр­хийг хүндэтгэхийг шаардаж байна. Швей­ца­рын хувьд мөргөлдөөнд оролцсон талуу­дад хан­дан “Олон улсын хуулийг хүн­дэтгэж, хү­лээцтэй байхыг уриалж байна” гэж байр сууриа илэрхийлжээ. Австра­лийн Ерөн­хий сайд Энтони Албанез Ираны зо­риг­той ард түмэнтэй эв санааны нэгдэлтэй буйгаа, мөн Ираныг цөмийн зэвсэг эзэм­ши­хээс сэр­гийлэх АНУ-ын хүчин чар­майл­тыг дэм­жиж байгаагаа мэдэгджээ.

ОХУ “Бүрэн эрхт, бие даасан, НҮБ-ын гишүүн улсын эсрэг урьдчилан төлөв­лө­сөн зэвсэгт түрэмгийлэл үйлд­сэнд ха­рам­саж” буруушаав.

Ж.Эрдэнэ