Орон сууцжуулалтын тухай анхдагч хуулийн төслийг хаврын чуулганаар хэлэлцүүлэх нь

Орон сууцын санхүүжилтийн банкны тухай болон Орон сууц­жуу­лал­тын тухай анх­дагч хуулийн төс­лийн хэлэл­цүүлгийг Мон­гол­банк, Хот бай­гуулалт, барилга, орон сууц­жуу­лал­тын яамнаас хамтран зохион байгуулж, арил­жааны банкууд, холбог­дох төрийн байгууллага, хувийн хэвшлийнхэн болон олон улсын шин­жээч­дийн тө­лөө­лөл орол­цов. Өнгөрсөн 10 гаруй жи­лийн ху­га­цаанд Монголбанк, Засгийн газартай хам­тарч орон сууцын ипотекийн хөтөлбөрийг хэрэгжүүлж ирсэн. Энэ хуга­цаанд 10.7 их наяд төгрөгийн эх үүсвэрээр нийт 140 гаруй мянган өрх орон сууцтай болжээ.

“Өнгөрсөн хугацаанд ипотекийн зээлийн хөрөнгөөр баталгаажсан үнэт цаас­ны хэмжээ дөрвөн их наяд төг­рөгт хүрч, хуга­цаа нь хоёр дахин уртассанаар уг хөтөлбөр энэ салбарын зах зээлийн хөгжилд түүхэн үүрэг гүйцэтгэсэн. Гэвч уг хөтөлбөр нь чө­­ лөөт зах зээлийг гажуудуулж, инфляцын дарамтыг нэмэгдүүлэх зэрэг сөрөг үр дагавар бий болгохоос гадна эрэлт нь тогтмол өссөнөөр 5000-6000 иргэний хүсэлт хэдэн жилээр хүлээгдэж буйг бид мэднэ. Иймд хөтөлбөрийг эрх зүйн хувьд шинэ түвшинд гаргах зайлш­гүй шаардлага үүс­сэн” хэмээн Монголбанкны ерөн­хийлөгч С.Наран­цогт энэ үеэр он­цол­лоо. Түүнчлэн цаа­шид зур­гаан ху­вийн хөнгөлөлтэй зээлийн хөтөлбөрийг Засгийн газарт үе шаттайгаар шилжүүлэх, шинээр бай­гуу­лаг­дах Орон сууцын сан­хүү­жилтийн банк­ны анхны хө­рөнгө оруу­лалтыг хийх гэж буйг дурдав.

Засгийн газрын 2025 оны 45 дугаар за­хирамжаар орон сууцжуулах бодлогын эрх зүйн орчныг боловс­ронгуй болгох үүрэг бүхий ажлын хэсэг байгуулж, Орон сууц­жуулалтын тухай бо­лон Орон сууцын сан­хүү­жилтийн банк­ны тухай хуулийн төслийг бо­ловсруулан, УИХ-ын хаврын ээл­жит чуулганд өргөн мэдүүлэхээр бэлтгэж буй.

Г.Сансар