Дотоодын үйлдвэрүүд 38 тэрбум төгрөгийн бараа, бүтээгдэхүүн нийлүүлжээ

Засгийн газраас “Дотоодын үйлдвэрээс худалдан авах чанар, стандартын шаардлага хангасан, тохирлын баталгаатай барааны жаг­саалт батлах тухай” тогтоолыг батал­сан. Үүний хүрээнд “Эх оронч худалдан авалт-Үндэсний үйлд­вэрлэл” үзэс­гэлэнг ХХААХҮЯ, Жижиг, дунд үйлд­вэрийн газар (ЖДҮГ) хамтран 2019 оноос зо­хион байгуулж буй. Тэгвэл энэ оны үзэсгэлэнд дотоо­дын 40 гаруй аж ахуйн нэгж, бизнес эрхлэгчид орол­цож, 155 нэр, төрлийн бараа бүтээг­дэхүүнийг танил­цуулсныг ЖДҮГ-аас өчигдөр мэдээллээ. Ул­маар Зам, тээврийн яамны харьяа бай­гуул­лагууд 38 тэрбум төг­рөгийн бараа, бү­тээгдэхүүнийг дотоодын үйлд вэрээс худалдан авсан бол “УБТЗ” хувь ний­лүүлсэн ний­гэмлэг 15.3 тэрбум төг­рөгийн х­у­дал­дан авалт хийжээ. Ул­сын хэм­жээнд 1400 орчим хүн ажиллаж, жилд дунджаар 900 мянган хос гутал үйлдвэрлэж буй гутлын үйлд­вэрийнхний хийсэн тусгай зориу­лалтын, хөдөлмөр хамгааллын гут­лууд нь дээрх борлуулалтын томоо­хон хувийг бүрдүүлсэн аж.

Цаашид цагдаа, онцгой байдлын байгууллага болон бусад төрийн албаныхны дүрэмт хувцас, тусгай зориулалтын гутал, хувцсыг до­тоодын үйлд­вэрлэгчдээс тогт­вор­той, урт ху­гацаанд худалдан авч хэвшихийг ЖДҮГ, ХХААХҮЯ-наас уриаллаа.

С.Цэрэн