Увсад улаан бурхан өвчнөөр гурван сартай хүүхэд энджээ 

Манай улсад улаан бурхан өвчний дэгдэлт 423 дахь өдрөө үргэлжилж байна. Анх 2024 оны долоодугаар сард Ка­захстанаас Улаанбаатарт ирсэн 47 настай эрэгтэйгээс уг халдвар зөөвөрлөгдөн тархсанаас хойш өчигдрийн байд­лаар 14 764 хүн өвчилж, 18 хүүхэд эндээд байна.

Халдварт өвчин судлалын үндэсний төв (ХӨСҮТ)ийн албан ёсны мэдээллээс харахад уг халдвараар өв­ чил­сөн болон нас барсан хүний тоо байнга нэмэгдсээр бай­гаа юм. Уржигдар л гэхэд Увс аймагт улаан бурх­ны хүндрэлээр гурван сартай хүүхэд нас барсан харамсалтай явдал болжээ. Өнгөрсөн сард Дорнод болон, Хөвсгөл аймагт мөн л уг халдварын улмаас хоёр хүүхэд эндсэн. Түүнч­лэн энэ сарын 6-нд 24 цагийн хугацаанд хоёр хүү­ хэд улаан бурхан өвчнөөр нас барсан талаар ХӨСҮТ-өөс мэдээлж байв. Өөрөөр хэлбэл, энэ он гарснаас хойш өчигд­рийн байдлаар уг халдварын улмаас зургаан хүү­хэд нас баржээ. Энэ бүх тоон мэдээллээс харахад уг халдвар дэгд­сэн хэвээр бөгөөд нэг хоногт 8-20 хүн ши­нээр өв­чилж буй аж. Ялангуяа орон нутагт улаан бурхны хүнд­рэлээр нас барсан тохиолдол гарсаар байна. Өчигд­рийн байд­лаар эмнэлэгт хэвтэн эмчлүүлж буй 73 хүний 30 нь орон нутагт бөгөөд дөрвөн хүүхдийн биеийн бай­дал хүнд байгаа гэнэ. Нас барсан хүүхдүүдийн 80 га­руй хувь нь нэг ой хүрээгүй буюу дархлаажуулалтад хам­раг­дах бо­ломж­гүй байжээ. Иймд улаан бурхан өвч­ний эсрэг вак­цин хийлгэж, халдвараас сэргийлэхийг ХӨСҮТ-өөс сэрэмжлүүлэв.

Ч.Цэлмэг