1.8 сая гаруй хүн хөдөлмөр эрхэлж байж ДНБ-ий өсөлтийг 7.2 хувьд хадгална 

Монгол Улсын эдийн засгийн дундаж өсөлтийг тогтвортой хад­­ галж, дотоодын нийт бүтээгдэхүүн (ДНБ)-ийг 7.2 хувиас бууруу­лахгүй барихын тулд 2035 он хүртэл нийтдээ 1.8 сая гаруй хүн хөдөл­мөр эр­хэлж байх шаардлагатайг өнгөр­сөн баа­сан га­рагт ГБХНХЯ-ныхан танил­цуул­лаа. 2035 он хүртэл хамгийн их ажиллах хүч шаард­­ лагатай салбар нь барилга болон бо­ловсруулах үйлдвэрлэл юм байна. Ба­рилгын салбарын хувьд 2024 онтой харь­цуу­лахад 88.1 мянган ажиллагч, бо­ловс­руу­лах үйлдвэр­лэлд 70 мянган ажиллах хүчин ши­нээр шаардлагатай гэ­сэн тооцоолол гар­гажээ. 

Ажиллах хүчний оролцооны түв­шин өнгөрсөн жил 62.7 хувьтай гар­сан нь 2024 оны эцсээс 1.4 хувиар өссөн үзүү­­ лэлт болохыг Үндэсний статистикийн хорооноос мэдээлсэн. Энэ нь ма­най улсад ажил хөдөлмөр идэвхтэй эр­хэлж буй 1.5 сая хүн байгааг илтгэсэн үзүү­ лэлт юм. Ажиллах хүчний оролцоо бага байхад хамгийн их нөлөөлж буй бүлэг нь 15-24 насны залуучууд. Тэр дундаа эмэгтэйчүүдийн оролцоог дэм­жих тус­гайл­сан бодлого, хөтөлбөр боловс­руулах нь чухал байгаа аж. Хөдөлмөрийн зах зээлийн орол­цоонд хүйсийн ялгааг буу­руулах нь эдийн засгийн хувьд үр ашигтай бө­гөөд нэг хүнд ногдох дотоодын нийт бүтээг­дэхүү­нийг 20 хувиар өсгөх бо­ломж­той гэсэн тоо­цооллыг Дэлхийн банк­ны судал­гаанд дурджээ.

Г.Сансар