Ерөнхийлөгчийн бүрэн эрхийн хугацаатай холбоотой маргааныг хэлэлцэх нь 

Үндсэн хуульд 2019 онд өөрчлөлт оруулахдаа Ерөн­хийлөгчийг нэг удаа, зургаан жилээр сонго­дог зохицуулалт хийсэн билээ. Тодруулбал, 30.2-т “Ерөнхийлөгчөөр 50 нас хүрсэн, сүүлийн таваас доошгүй жил эх орондоо байнга оршин суусан, Монгол Улсын уугуул иргэнийг зургаан жи­лийн хугацаагаар зөвхөн нэг удаа сон­гоно” хэ­мээн тусгасан. Гэвч Монгол Улсын Ерөн­хийлөгчийн тухай хуулийг үүнд нийцүүлэн өөрч­лөхөө “мартсан” байсан аж. Уг хуулийн 6.1-т “Ерөнхийлөг­чийн бүрэн эрхийн хугацаа Үнд­сэн хуулийн гучдугаар зүйлийн хоёр дахь хэсэгт зааснаар дөрвөн жил байна” хэмээх хуучин заалт нь хү­чин төгөлдөр хэвээр байгаа. Тий­мээс энэ зөрч­лийг арилгаж, Монгол Улсын Ерөн­хий­лөг­чийн бү­рэн эрхийн ху­га­цааг Үндсэн хуульд ний­цүү­лэх хэ­рэг­тэй гэж нэгэн иргэн үзээд, Цэцэд гом­дол гар­гасан байна. Уг гомдлоор маргаан үүс­гэх шийд­вэ­рийг Цэц гаргасан юм. Улмаар энэ сарын 6-нд болох дунд суудлын хуралдаанаар Ерөн­хий­лөг­чийн бүрэн эрхийн ху­га­цааг нэгтгэн зохи­цуулах­тай холбоотой маргаа­ныг хэлэлцэн шийд­вэр­лэ­хээр товложээ.

С.Уул