Авто зам ашигласны төлбөрөөс чөлөөлөгдөх хүсэлтээ цахимаар өгөөрэй 

Засгийн газрын 2026 оны долоодугаар сарын 1-ний өдрийн тогтоолоор олон улс, улсын чанартай авто зам ашигласны төлбөрийн хэмжээг шинэчлэн тогтоож, уг шийдвэрийг энэ сарын 1-нээс дагаж мөрдөж эхэлсэн. Суудлын автомашины хураамж 1000 төгрөг байсныг шинэ­чилсэн тарифаар 5000, ачааныхыг 10 000-аас 20 000 төгрөг болгож нэмсэн юм. Тэгвэл Сонгинохайрхан дүүргийн 32, Хан-Уулын 14 дүгээр хорооны болон Налайхын бүх хорооны иргэд цахимаар хүсэлтээ өгснөөр өөрийн эзэмшлийн тээврийн хэрэгслийг дээрх төл­бөрөөс чөлөөлүүлэх хүсэлт гаргах боломжтой юм байна. Үл хөдлөх хөрөнгө нь өөрийн нэр дээр бүртгэлтэй бол эдгээрх хорооны иргэд “И-Монголиа” аппликэйшнд шинээр нэвтрүүлсэн цэсээр дамжуулан хүсэлтээ илгээнэ. Ингэхдээ улсын дугаараа оруулан баталгаажуулах аж. Харин өөрийн нэр дээр бүртгэлгүй бол тухайн үл хөдлөх хөрөнгийн гэр­чилгээг хавсаргаж, хаягтай холбоотой мэдээллээ нотлох гэнэ.