Орон нутгийн мэдээллийн хэрэгслийн тоо цөөрчээ 

Хэвлэлийн хүрээлэнгээс жил бүр эрхлэн гаргадаг “Монголын хэвлэл мэдээлэл-Өнөөдөр 2026” судалгааны тайлангаас хэвлэл мэдээллийн сал­барын чухал тоон үзүүлэлтүүдийг цувралаар хүргэж буй. Энэ удаа орон нутгийн мэдээллийн хэрэгс­лийн тоо багассан дүнг танилцуулав. Сүү­ лийн жилүүдэд нийт хэвлэл мэдээллийн хэрэгслийн тоо буурч буй бөгөөд үүнд орон нутгийнхны со­нин, телевиз, радио, цахим сайтын нөхцөл байдал то­дор­хой нөлөө үзүүлж байгааг судалгаанд онцолжээ. Ту­хайлбал, аймаг, орон нутгийн мэдээллийн хэрэгслийн тоо 2019 онд 128 байсан бол 2025 онд 85 болж цөөрчээ. Энэ нь өнгөрсөн оныхоос 13-аар багассан үзүүлэлт аж. Монгол Улсын хэвлэл мэдээллийн салбарт ажиллагсдын дөнгөж найман хувь нь орон нутагт байдаг. 

Мөн орон нутгийн сонины борлуулалтын хувь хэмжээ сүүлийн гурван жилийн хугацаанд тогтмол буурч буйг судалгаанд дурджээ. Тухайлбал, 2023 онд нийт сонины борлуулалтын долоон хувийг орон нутгийнх эзэлж байсан бол 2024 онд дөрөв, өн­гөрсөн жил хоёр хувь болж буурчээ. Эдгээр үзүү­лэлт нь хүн амын төвлөрөл, зах зээл, эдийн засгийн нөхцөл зэрэг хүчин зүйлс орон нутгийн хэвлэл мэдээллийн тогтвортой үйл ажиллагаанд шууд нөлөөлж байгааг харуулсныг суд­лаачид тэм­дэг­лэжээ.

Ч.Туяа