Шинэ зүйлийн зурам илрүүлсэн байж болзошгүй нь 

Монгол орны хэмжээнд шинжлэх ухаанд албан ёсоор бүртгүүлсэн дөрвөн зүйлийн зурам одоогоор бий гэнэ. Тэгвэл энэ тоо удахгүй нэгээр нэмэг­дэж болзошгүй талаар МУИС-ийн Био­логийн тэнхимийн багш, хөхтөн суд­лаач Н.Батсайхан мэдээллээ. Биологич, амьтан судлаач Ц.Одбаяр өмнө нь бүртгэгдэж байгаагүй, Монголын бу­сад зүйлээс давжаа биетэй, ахар сүүлтэй нэгэн “содон” зурмыг энэ оны зургаадугаар сард Зүүн гарын говийн Уушигийн улаан уул орчмоос илрүүлс­нийг Оросын судлаачид өдгөө лабораторийн орчинд шинжлэн судалж буй гэнэ. Судлаачид үүнийг ахар сүүлт хэмээх бие даасан зүйл байж бол­зошгүй гэж үзэж байгаа бөгөөд энэ нь молекул ге­нетикийн судалгаагаар бат­лагдсан то­хиолдолд манай орны зурамны зүйл нэ­гээр нэмэгдэх аж. 

Монгол, Америкийн хамтарсан судлаачдын баг өмнө нь 2011 онд Бай­таг богд уулын Цагаан бургастай голын орчмоос үүнтэй ижил зурам илрүүлсэн ч нарийвчлан судалж, зүйлийн түвшинд ялган таньж чадаагүй. Харин энэ удаа мо­лекул генетикийн түвшинд судлуулахаар хойд хөрш рүү дээж илгээжээ.

Ж.Сувд