Статистикийн салбарт хиймэл оюуны өгөгдлийн экосистем хөгжүүлэх нь 

Үндэсний статистикийн хороо (ҮСХ)-ныхон Азийн хөгжлийн банк болон БНСУ-ын Үн­­дэс­­ний мэдээллийн агентлагтай хамтран “Мон­гол Улсын статистикийн салбарт хиймэл оюуны өгөгдлийн экосистем хөгжүүлэх” төслийг эхлүүллээ. Таван жилийн хугацаанд хэ­рэг­­жүү­­лэх энэхүү төслийн хүрээнд байгуул­лагын түвш­ний хиймэл оюуны агент суурьтай платформын архитектурын үндсэн загвар хөг­жүүлсэн байна. Уг платформ нь статис­тикийн болон бусад эх үүсвэрийн өгөгдлийг нэг дор цуглуулах, хадгалах, боловс­руулах, хий­мэл оюуны загвар болон агентуудын тусламж­тайгаар шинжлэх, үр дүнг хэрэг­лэгчдэд хүргэх нэгдсэн орчныг бүрдүүлэх зорилготой гэнэ. Мөн мэдээллийн аюулгүй байдал, өгөгдлийн засаглал, хяналт, бүрт­гэлийг платформын бүх түв­шинд хэрэг­жүүлэхээр төлөвлөжээ. 

Платформынхүрээндхиймэлоюуныаген­тууд хүн ам, мал аж ахуй, эдийн засгийн ста­тис­­тик, тооллого, судалгаа, газар зүй, хий­мэл дагуулын мэдээлэл зэрэг олон төрлийн өгөгд­­­­лийг хооронд нь уялдуулан шинж­лэх бо­ломж­­­­тойг ҮСХ-ныхон хэлсэн. Ингэс­нээр их хэм­жээний өгөгдлийг болон шинэ статистик үзүү­­лэлт боловс­руулах, мэдээллийн зөрүү, алдааг ил­рүүлэх боломжтой. Цаашлаад бодлого бо­ловс­­­­­руулахад шаард­лагатай мэдээлэл, дүн шин­­­жилгээг хурдан гаргах аж. Мөн статис­ти­кийн системд салбар хоорондын өгөгдлийн уял­дааг сайжруулж, хиймэл оюунд түшиглэсэн дотоод болон нээлттэй эхийн нэгдсэн дэд бүт­цийн суурийг тавина гэв.

О.Ундрах