Нийслэлийн дөрвөн сургууль ухаалаг номын сантай боллоо 

“Сайн хөршүүд” олон улсын төрийн бус байгуул­лагын санаачилгаар БНСУ-ын “Какао банк”ны санхүүжилтээр “Ухаалаг номын сан” төслийг ерөн­хий боловсролын дөрвөн сургуульд хэрэгжүүл­жээ. Тодруулбал, Налайх дүүрэг дэх “Голомт” цогцолбор болон нийслэлийн 118, 189, 124 дүгээр сур­гуульд иж бүрэн тохижуулсан, дижитал боловс­ролыг дэмжсэн, орчин үеийн ухаалаг номын санг ашиглалтад оруулж хүлээлгэн өгөв. Өдгөө но­мын сан зөвхөн цаасан ном хураасан танхим байхаа больж, хүүхэд багачуудын сэтгэн бодох чадвар, мэдээллийн технологийн боловсрол, бү­ тээлч сэтгэлгээг тэлэх хөгжлийн гол орон зай бол­сон. Төслийн хүрээнд хэрэгжүүлсэн эл номын сан ухаалаг дэлгэц, таблет болон цахим номын сангийн системтэй холбогдсон аж. 

Уламжлалт хэв маягийг эвдсэн орчин үеийн тавилга, тохижилт нь сурагчдад таатай уур амьсгал бүрдүүлэхийн зэрэгцээ хүүхэд бүрд тэгш боломж олгож буйгаараа чухал ач холбогдолтой юм байна.

Ч.Болор