Улаанбаатар болон 21 аймагт агаарын чанарын хяналтын автомат станц суурилуулжээ 

Улаанбаатар хот болон 21 аймгийн төвд агаарын чанарын хяналтын авто­мат станц суурилуулж дуусжээ. Бай­галь орчин, уур амьсгалын өөрчлөлтийн яам, БНСУ-ын Бай­галь орчны яам болон Байгаль орчны корпорацтай хамтран хэрэг­жүүлсэн уг төслийг 2023-2026 онд 8.9 сая ам.долларын буцалтгүй тус­ламжаар санхүү­жүүлсэн байна. Ингэснээр агаар дахь хү­хэрлэг хий, азотын исэл, PM2.5, PM10 тоо­сонцор, озон, нүүрстөрөгчийн дутуу исэл болон цаг уурын бусад үзүүлэлтийг тас­ралт­гүй хэмжих боломж бүрдэж буй юм. 

Хэмжилтийн мэдээллийг иргэд agaar. gov.mn сайтаас харах бо­ломж­той боллоо. Өмнө нь зөвхөн агаарын ча­нарын одоогийн тө­лөв байдлыг оруулдаг бай­сан бол энэ удаад урьдчилсан мэдээг дав­хар харах боломжтой болсныг салбарын яамнаас мэдээ­лэв.

У.Сүрэн