Порно сайт хөлбөмбөгийн багийн ивээн тэтгэгч болжээ

АНУ-ын сонирхогчдын хөлбөмбөгийн "Вашингтон Скуар ФС" баг өнгөрсөн оны есдүгээр сард порно сайт RedTube-ийг ивээн тэтгэгчээр зарласан юм. Тэгвэл тус клуб энэ улирлаас шинэ өмсгөлөө танилцуулж, RedTube-ийн нэрийг өмсгөл дээрээ ашиглахаар болжээ. 

RedTube хөлбөмбөгийн багтай хамтарч ажиллаж буй анхны порно сайт биш юм. Өмнө нь Pornhub хэмээх томчуудын сайт Английн нэгэн клубтэй хамтарч ажиллахаар төлөвлөж байсан ч лигийн зүгээс хүлээж аваагүй билээ.

Харин албан ёсны анхны ивээн тэтгэгч порно сайтаар RedTube тодорсон байна.

Вашингтоны сонирхогчдын клуб 2013 онд байгуулагдсан. АНУ-ын Зүүн хойд бүс нутгийн хөлбөмбөгийн лигт данстай юм.