Амиа хорлох тохиолдол буурчээ
Манай улс дээрх өдрийг амиа хорлолтын тоо буурсан үзүүлэлттэй угтаж буй нь сайшаалтай. Тодруулбал, Эрүүл мэндийн хөгжлийн төвийн судалгаагаар 2023 онд амиа хорлож, нас барсан тохиолдлын тоо 10 000 хүн тутамд 1.5 болж буурчээ. Өөрөөр хэлбэл, өнгөрсөн онд амиа егүүтгэсэн хүний тоо 2022 оныхтой харьцуулахад 48-аар цөөрсөн үзүүлэлттэй байна.
2024-09-11
Хөгжлийн банкны өрийг төлүүлэхэд анхаарах цаг болсон юм биш үү
Хэдэн жилийн турш дуулиан шуугиан болж байсан “Хөгжлийн банк”-ны гэх хэргийг шүүх эцэслэн шийдэж чадаагүй өдий хүрэв. Олон улсаас босгосон өрийн бичиг (бонд)- ийн төлбөрийг Засгийн газар төлж дуусгасан. Гэтэл Хөгжлийн банкнаас зээл авсан зарим аж ахуйн нэгжийнхэн зээл, өр төлбөрөө төлөхгүй гүрийсээр байгаа юм билээ. Тиймээс төр засгаас Хөгжлийн банкны зээлийг эргэн төлүүлэх чиглэлээр шийдвэртэй арга хэмжээ авах цаг болжээ. Үндэсний аюулгүй байдлын зөвлөл (ҮАБЗ)-өөс ч тодорхой шийдвэр гаргахад болохгүй зүйлгүй мэт.
2024-09-11
Самар түүх хугацааг наашлуулах боломжтой, эсэхийг судлуулах нь
Иргэд хуш модны самар түүх, бэлтгэхтэй холбоотой олон санал, гомдлыг Байгаль орчин, уур амьсгалын өөрчлөлтийн яаманд ирүүлж байгаа гэнэ. Үүнтэй холбогдуулан Байгаль орчин, уур амьсгалын өөрчлөлтийн сайд С.Одонтуяа самар түүх хугацааг наашлуулах боломжтой, эсэхийг судалж тогтоох үүргийг Ойн газрынханд өгчээ.
2024-09-11
“Смарт” сургуулийн сурагчид хичээллэж эхэлсэн ч асуудал нь шийдэгдсэнгүй
Хан-Уул дүүргийн нутаг, Яармагийн Арцатын аманд байрлах “Смарт” олон улсын сургуулийн байрыг 30 орчим хүн өнгөрсөн даваа гарагт хүч хэрэглэн битүүмжилж, багш, сурагчдыг нь дотогш нэвтрүүлээгүй. Үүний улмаас тус сургуулийн 700 гаруй сурагч, 80 орчим багш, ажилтан анги руугаа орох нь бүү хэл, хаалганы гаднаас чирүүлж, хөөгджээ. Харин өчигдрөөс хичээл, сургалт хэвийн үргэлжилж буйг “Смарт” олон улсын сургуулийн захирал хэлсэн юм. Гэвч сургуулийн барилгын өмчийн маргаан эцэслэн шийдэгдээгүй тул хэзээ дахин ийм асуудал дэгдэхийг хэлж мэдэхгүй гэв.
2024-09-11
Гомдол, мэдээллийн 53.1 хувь нь авлигатай холбоотой
Авлигатай тэмцэх газрын Судалгаа шинжилгээний алба нь 2024 оны 9 дүгээр сарын 2-6-ны өдрүүдэд иргэн, хуулийн этгээдээс ирүүлсэн 32 өргөдөл, гомдлыг хүлээн авч, харьяалах чиг үүргийн нэгжид хүргүүллээ.
2024-09-11
Ерөнхийлөгчийн сэтэрлэсэн морийг хулгайлсан казах эрийг яллагдагчаар татжээ
Манай орны хамгийн өндөр уул болох Алтай Таван богд хайрхны тэнгэрийг тайх ёслол өнгөрсөн долоодугаар сарын 22-нд болж, Монгол Улсын Ерөнхийлөгч У.Хүрэлсүх оролцон, Баян-Өлгий аймгийн Улаанхус сумын малчин Ч.Хэнзхүүгийн цагаан бор морийг сэтэрлэсэн билээ. Гэтэл тухайн өдөр нь уг сэтэрлэсэн морийг Баян-Өлгий аймгийн харьяат, “Довой” гэх хочтой А.Алдаберген гэх хүн ижил сүрэгтээ нийлсэн байхад нь хулгайлж, хадгийг нь урж хаян хөтөлж явсныг адууны эзэн тогтоосон юм.
2024-09-11
Өмнөговь, Дорноговь, Сүхбаатарт бороотой
Малчид, хадланчид, тариаланчдын анхаараарай. 12-нд Өмнөговийн зүүн, Дорноговийн өмнөд хэсгээр, 13-нд Дорноговийн зүүн, Сүхбаатарын өмнөд хэсгээр усархаг бороо орохыг анхааруулж байна.
2024-09-11
Саппорогийн уулзвараас ГССҮТ-ийн уулзвар хүртэлх авто замыг шинэчилнэ
Ард Аюушийн өргөн чөлөөний гудамж буюу Саппорогийн уулзвараас ГССҮТ-ийн уулзвар хүртэлх авто замыг 9 дүгээр сарын 13-ны өдрийн 00:00 цагаас 16-ны өдрийн 05:00 цагийн хооронд хааж, шинэчилнэ. Энэ хүрээнд инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих зэрэг ажлыг гүйцэтгэх юм. Иймд иргэд, жолооч та бүхэн бусад замыг сонгон хөдөлгөөнд оролцоно уу.
2024-09-10
Зам засах ажлыг арваннэгдүгээр сар хүртэл үргэлжлүүлэх нь
Бүтээн байгуулалтын улирал шувтрах шахаж буй энэ үед нийслэлд харин авто зам засах ажил ид үргэлжилж байна. Өнгөрсөн хавар, зунжин шахам дорвитой ажил хийгээгүй атлаа замын ачаалал ихэсдэг намар цагт хаа сайгүй засвар хийх болсонд иргэд ихээхэн бухимдаж буй билээ.
2024-09-10
Хөвсгөлийн Ханх сумд анхны цас орлоо
Намрын анхны цас Хөвсгөл аймгийн Ханх сумд өнгөрсөн ням гарагт оржээ. Амралтын өдрүүдээр Булган, Завхан, Орхон, Сэлэнгэ, Төв аймагт бороо орсон аж. Хөвсгөлд ч бороо орж байгаад аажимдаа нойтон цас, шамарга болжээ. Бусад нутгаар цаг агаар харьцангуй тогтуун байсан аж.
Тэгвэл маргаашаас Увс нуурын хотгор, Алтай, Хөвсгөлийн уулархаг нутгаар, 12-нд баруун аймгуудын зарим газар, төвийн бүсийн баруун болон хойд, говийн нутгийн зүүн өмнөд хэсгээр, 13- нд баруун, төвийн аймгуудын нутгаар бороо орж, уулаараа нойтон цас унаж, сэрүүсэх юм байна. Салхины хурд11- нд нутгийн хойд хэсгээр, 12-нд зарим газраар, 13-нд Алтайн салбар уулсаар секундэд 14-16 метрт хүрч, шуурах аж. Мөн Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг голын хөндийгөөр шөнөдөө -1-6, өдөртөө +9+14 хэм байх гэнэ.
2024-09-10
