“Монгол Улсын төлөө зүтгэе” шоунд 1000 цэрэг оролцоно

Зэвсэгт хүчний жанжин штабын дэргэдэх үлгэр жишээ үлээвэр найрал хөгжмийн уран бүтээлчид нэгэн өвөрмөц шоуг энэ сарын 15-нд зохион байгуулах гэж байна. Уг шоуны хөтөлбөрт 500 найрал дуучин, 64 бүжигчний тоглолт, гардан байлдаан, бодибилдингийн үзүүлбэр зэрэг олон сонирхолтой зүйл багтаж байгаа аж.  Арын албаныхан, төрийн болон байлдааны туг залах цэргүүдийг оролцуулбал 1000 орчим хүний хүч хөдөлмөр шингэх томоохон хэмжээний уг шоугаа цэргийн баярт зориулан “Монгол Улсын төлөө зүтгэе” хэмээн нэрлэжээ.