Энэ сард болон гуравдугаар сард нээхээр товлосон, кино сонирхогчдын хамгийн их хүлээж буй зарим бүтээлийг танилцуулъя.
• “Death on the Nile”
Алдарт зохиолч Агата Кристигийн номоос сэдэвлэн бүтээсэн уг детектив жанрын киног өнөөдрөөс үзэгчдэд хүргэнэ. Тус кинонд тансаг зэрэглэлийн хөлөг онгоцонд болсон нэгэн аллагын талаар өгүүлэх юм.
• “Ambulance”
Адал явдалт бүтээлүүд найруулдгаараа онцлогтой Майкл Бэйгийн ээлжит эл бүтээл ах, дүү нар банк дээрэмдэхийг завдах боловч тэдэнд бэрхшээлүүд тулгарч, хүнд бэртэлтэй өвчтөн авч явсан түргэн тусламжийн машиныг барьцаалж буйгаар эхэлдэг. Тус киноны гол дүрүүдэд Жейк Жилленхол, Эйза Гонзалес, Яхья Абдул Матин нарын жүжигчин тоглосон юм.
• “The batman”
Брюс Вэйний адармаатай амьдрал, төсөөлшгүй адал явдлын талаар өгүүлдэг “The Batman”-ий гол дүрд жүжигчин Роберт Паттинсон тоглосон нь үзэгчдийн хүлээж буй хамгийн том шалтгаан. Готам хот болон шинэ Брюс Вэйнтэй ирэх сарын 3-наас “уулзах” нь.
• “The lost city”
Адал явдалт, инээдмийн төрлийн уг кинонд Сандра Буллок, Ченинг Татум, Дэниэл Редклифф зэрэг алдартай уран бүтээлч тоглосон. Киноны үйл явдал цуврал номын алдарт зохиолч Лоретта Сейжийг нэгэн тэрбумтан залуу хулгайлснаар өрнөнө. Уг киног ирэх сарын 25-наас үзээрэй.
• “Morbius”
Жаред Летотой дахин өөр дүрээр “танилцах” нь. Тэрбээр энэ удаа цусны өвчний улмаас цаашид амьдрах найдваргүй болсон эмч Майкл Морбиусын дүрд тогложээ. Морбиус сүүлчийн найдвар тээн өөртөө нэгэн хүчтэй бэлдмэл тарьж амьд үлдэх боловч, аажим аажмаар цус сорогч мангас болон хувирах аж.
