Нөөцтэй хэрнээ шатахуун олгохгүй байгаа аж ахуйн нэгжүүдийн тусгай зөвшөөрлийг цуцална гэв 

Ерөнхий сайдын захирамжаар байгуулсан газрын тосны бүтээгдэхүүний хангамж, ний­лүүлэлтийг тогтворжуулах шуурхай штабын ээл­жит хуралдаан өчигдөр болж, үүсээд буй нөх­цөл байдалтай уялдуулан холбогдох үүрэг, даалгав­руудыг өглөө. Улсын хэмжээнд энэ сард 500 вагон АИ92 шатахуун, 1314 вагон дизель түлш хүлээн авсан байна. Мөн ОХУ-аас нэмэлтээр 74, БНХАУ-аас 80 вагон АИ92 шатахуун оруулж ирж байгаа аж. Энэ сарын 17-18-нд л гэхэд гаалийн байгууллага 12 920 тонн газрын тосны бүтээгдэхүүн улсын хи­лээр нэвтрүүлжээ. 

АҮЭБ-ын сайд Г.Дамдинням тэргүүтэй ал­ба­ныхан нийслэлийн хэмжээнд үйл ажиллагаа явуулж буй ШТС-уудад хяналт, шалгалт хийж буй­гаа хэлсэн. Үүгээр аж ахуйн нэгжүүд нөөц­тэй хэрнээ түгээлт хийхгүй, иргэдэд төвөг чирэг­дэл учруулж, урт дараалал үүсгэсэнзөрч­лүүд цөөнгүйгарсантул тухай бүрд нь ша­тахуун хэвийн олгох үүрэг өгсөн байна. Ул­маар санаатайгаар шатахууны хомсдол үүсгэсэн тохиол­­долд ногдуулах хууль, эрх зүйн зохи­цуу­лал­тыг импортлогчдод эхний удаад сануулж, цаашид гэрээний үүргээ биелүүлээгүй аж ахуйн нэгжүүдийн тусгай зөвшөөрлийг цуцлах хүртэл арга хэмжээ авахаа мэдэгдэв. Түгээлтийг эрчимжүү­лэх зорилгоор шуурхай штабаас ШТСуудад хийж буй хяналт, шалгалтаа үргэлжлүүлнэ гэв.

О.Оргилох