Индонез улсад галт уул дэлбэрч, нисэх онгоцны буудлын үйл ажиллагааг зогсоов 

Индонезын Ява болон Суматра арлын хоо­ронд орших Анак Кракатау галт уул өнгөрсөн баасан гаргаас эхлэн дараалан гурван удаа дэлбэрч, 15 километрийн өн­дөрт үнс нурам цацав. Тус улсын Гео­логийн агент­лагаас мэдээлснээр эхний дэл­бэрэлт баасан гаргийн үүргийн 03.53 цагт бүрт­гэгдсэн бол гурван цаг орч­мын дараа да­хин идэвхжсэн байна. Ха­рин хамгийн сүүлийн хүчтэй дэлбэрэлт уржигдар 20.23 цагт болжээ. 

Галт уулын бүс нутагтай хөрш зэргэл­дээ орших Жакарта хот болон Бантен мужийн зарим хэсэгт их хэмжээний үнс нурам унасны улмаас одоогоор найман нисэх онгоцны буудлын үйл ажил­лагааг түр зогсоон, 1558 нислэгийг цуц­лаад байна. Үүнтэй холбоотойгоор Син­га­пур, Малайзын агаарын тээврийн ком­паниуд ч Жакарта чиглэлийн зарим нис­лэгээ цуцалжээ. Индонезын эрх ба­риг­чид агаарт тарх­сан үнс нурамтай хол­бог­дуу­лан иргэдийг амны хаалт, нүд­ний шил зүүх, гадаа байх хугацаагаа багас­гахыг зөв­лөв. Түүнчлэн үзэгдэх ор­чин хяз­гаар­лагд­мал байгаа тул жолооч на­рыг замын хөдөлгөөнд бол­гоомжтой орол­цохыг ан­хаа­руулсан байна.

У.Сүрэн