Орон нутгийн сонгуулийн хуулийг өөрчилнө 

УИХ-ын ээлжит чуулган энэ сарын 15-нд эхэл­нэ. Өнөөдөр нээх ээлжит бус чуулганаар 2026 оны төсвийн тодотголын эхний нэг, хоёр­­­­­дугаар хэлэлцүүлгийг л хийж амжих юм. Тиймээс ээлжит чуулганаар тодотголыг үргэлж­­­лүүлэн хэлэлцэхээс гадна ирэх оны улсын төсвийг батална. Мөн намрын чуулганы төгс­гөлд дараагийнхаар нь хэлэлцэх асуудлыг то­­дорхой болгодог уламжлалтай. Үүний дагуу ээлжит чуулганаар цаг хугацааны дээрх асуудлаас гадна Аймаг, нийслэл, сум, дүүргийн ИТХын сонгуулийн тухай хуульд өөрчлөлт оруулах төслийг хэлэлцэх аж. 

Түүнчлэн 2023 онд шинэчлэн баталсан Улс төрийн тухай хуульд дахин “засвар” хийх нь. Манай улсад хэрэгждэг хуулиуд дундаас хам­гийн их өөрчилдөг УИХ-ын тухай хууль ч жаг­саалтаас гадуур өнгөрсөнгүй. Үүнээс гадна НӨАТын, Боловсролын ерөнхий, Хүнсний бүтээгдэ­хүүний аюулгүй байдлын зэрэг иргэдийн амьд­ралд илүү ойрхон хуулиудад ч өөрчлөлт оруу­лах төслийг хэлэлцэхээр төлөвлөсөн байна.