AНУ-ын “JD power” –ын хийсэн сүүлийн үеийн судалгаагаар америкчууд Iphone утсанд сэтгэл ханамж өндөр байгаа тухай гарчээ. Нэгээс тав хүртэл үнэлгээний хамгийн өндөр үнэлгээ болох тав үнэлгээг дийлэнх санал өгөгчид өгсөн байна.
“Apple” –ын энэхүү утас хэрэглэхэд хялбар, хэлбэр галбирын хувьд ч боломжийн, олон төрлийн үйлдлийн систем агуулдгаараа хэрэглэгчдийн таашаалд ихээхэн хүрч чадсан байна.
Гэсэн хэдий ч “Iphone”-ын баттери таваас хоёр үнэлгээ авсан байна. Хоёрдугаар байранд орсон “Blackberry” гар утас ерөнхий үнэлгээгээрээ таваас гурав үнэлгээ авч, баттери нь таваас тав үнэлгээ авсан байна. Харин “Samsung”, “Nokia” гар утас таваас дөрөв үнэлгээ авчээ.
Ихэнх утасны ерөнхий үнэлгээ худалдаанд гарснаасаа хойш сар тутам унадаг бол “Iphone”-ны үнэлгээ өөрчлөлтгүй тэргүүлсээр байгаа гэнэ.
