Монголын уран зургийн галерей нь энэ оноос менежментийн шинэ бодлого хэрэгжүүлж эхэлжээ. Юуны түрүүнд үзэсгэлэнгийн заалыг шинэчлэн засварлаж, үзэсгэлэн гаргахад илүү тохиромжтой болгосон байна. Мөн дохиолол хамгаалал хяналтын систем суурилуулж, болзошгүй аюул, эрдсдэлээс хамгаалах боломжтой болжээ. Түүнчлэн нэрэмжит болон сэдэвчилсэн үзэсгэлэн зохион байгуулахаар төлөвлөжээ. Тухайлбал Ахмад уран бүтээлчдийн, Оны шилдэг бүтээл шалгаруулах, Мартын 8-ны, Эх үрсийн баярт зориулсан зэрэг галерейн сан хөмрөгийн үзмэрийг байнга шинэчилж байх ажээ. Яг одоо уран зургийн галерей дээр “Дэлхийн болон Монголын өв соёл” нэртэй номын нээлт болж байна.
Б.ЭНХ-УЯНГА
