“Уурын зуухаар галладаг аж ахуйн нэгжүүдийн 67 хувь нь агаар бохирдуулсны төлбөр төлдөггүй”

Байгаль орчин, уур амьсгалын өөрч­лөлтийн яамны Салбарын хянал­тын газрынхан нийс­лэ­лийн Бай­галь орчны болон Агаар, орч­ны бо­хир­долтой тэмцэх газ­рын­­хан­тай хамт­ран 100 кВт-аас дээш хүчин ча­далтай уурын, усан халаал­тын зуух ашиг­лаж буй 139 аж ахуйн нэгжийн үйл ажил­лагааг шалгажээ. Ингэхэд давхардсан тоогоор 496 зөрчил дутагдал илэрсэн байна. Уурын зуух ашиглаж буй аж ахуйн нэгжүүдийн 67 хувь нь агаар бо­хирдуулсны төлбөр төлдөггүй, орч­­ны бохирдлыг хэмжих багаж тө­хөө­рөмж­гүй байсан гэнэ. Мөн 37 хувь нь байгаль орчинд нөлөөлөх байдлын үнэлгээгүй, 70 хувь нь байгаль орчны менежментийн төлөвлөгөөгүй, 61 хувь нь орчны хяналт шинжилгээ хий­дэггүй нь шалгалтаар тогтоогджээ. Бай­галь орчинд нөлөөлөх байдлын үнэл­гээний, Усны, Хог хаягдлын, Агаа­рын тухай хууль тогтоомжийг зөрч­сөн 50 аж ахуйн нэгжид өдгөө зөр­чил шалган шийдвэрлэх ажиллагаа явуулж байгаа аж. ЗХЖШ-ын харьяа цэргийн анги, Шүүхийн шийдвэр гүйцэтгэх газрын харьяа хорих анги, Сэтгэцийн эрүүл мэндийн үндэсний төв зэрэг төрийн байгууллагуудын үйл ажиллагаанд илэрсэн зөрчил ду­тагд­лыг арилгуулахаар тус яамны Сал­­барын хяналтын газрын улсын ерөн­хий байцаагчаас албан даалгавар хүр­гүүл­жээ.

Н.Мишээл