Прокурорын байгууллагынханд хүний эрхийн талаар зөвлөгөө өгөв

Хүний эрхийн үндэсний комисс (ХЭҮК)-ын дарга Д.Сүнжид прокурорын байгууллагын удир­дах ажилтны нэгдсэн зөвлөгөөнд оролцож мэдээлэл хийлээ. Тэрбээр ХЭҮК нь хэрэг хянан шийд­вэрлэх, ял эдлүүлэх, ажиллагааны нөхцөл бай­далд судалгаа, дүн шинжилгээ хийж, Мон­гол Улс дахь хүний эрх, эрх чөлөөний байдлын талаарх 19-23 дахь илтгэлд тусган, холбогдох УИХ-ын тогтоолд тодорхой арга хэмжээ хэ­рэг­жүүлэхээр заасан болохыг дурдсан юм. Үүн дотор Эрүүгийн хянан шийдвэрлэх ту­хай хуульд сэжигтнийг  шүүхийн зөвшөө­рөл­тэй­гөөр баривчлах талаар нэмэлт, өөрчлөлт оруулсан нь хэрэг хянан шийдвэрлэх ажил­лагааны явцад хүний эрхийг хамгаалах чиг­лэлд томоохон ахиц гарсныг онцоллоо. Мөн хууль сахиулах байгууллагууд хүний хувийн мэдээл­лийг чанд хамгаалах, Хүний хувийн мэдээлэл хамгааалах тухай хуулийн хэрэг­жилтийг хан­гахад болон цаашид анхаарах шаардлагатайг хөн­дөж, мэргэжил арга зүйн зөвлөгөө өгчээ. Түүнчлэн Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилтийн асуудлаар зохион байгуулсан сонс­голтой холбогдуулан авах арга хэмжээ, Хууль зүйн байнгын хорооны 09 дүгээр тог­тоо­лын хэрэгжилтийг хангаж ажиллана гэв. 
Ташрамд, хорих ял эдлүүлэх үйл ажил­лагаанд хүний эрхийг хангах нь сэдвийн хү­рээнд өнгөрсөн онд 25 удаагийн сургалт зохион бай­гуулж, прокуроруудыг хамруулжээ.

Ч.Цэлмэг