Монголын үндэсний олон нийтийн радио, телевизийн өглөө бүр эгшиглэдэг “Гэгээн өглөө сайн байна уу” дуу 45 нас хүрлээ. Хүүхэд бүрийн дуулах дуртай уг дууны уран бүтээлчдийн дурсамж уулзалт өнгөрөгч даваа гаригт Монголын театрын музей, МҮОНРТ-ийн хүүхдийн редакц хамтран зохион байгуулсан юм.
Дууны шүлогийг Д.Батсүрэн бичиж, аяыг Урлагийн гавьяат зүтгэлтэн Ж.Шараа зохиож, Хөгжим бүжгийн дунд сургуулийн сурагчид олны хүртээл болгосон түүхтэй аж. Уулзалтад хөгжмийн зохиолч Ж.Шараа болон “Гэгээн өглөө сайн байна уу “ дууг дуулж байсан У.Цэцэгмаа, Е.Наранцэцэг нарын арав гаруй зочин оролцлоо.
