Төв замын автобусны чиглэлийг богино эргэлттэй болгожээ

Нийслэлийн хамгийн урт, нийтийн тээврийн Таван шар-Офи­церуудын ордон чиглэлийг богино эргэлттэй болгожээ. Төв зам дагуух энэхүү М:1 чиглэлд зорчигч олонтой, тэр дун­даа өглөө, оройд хүнээ багтааж хүчирдэггүй. Автобуснууд нь алсын зайнд эргэдгээс иргэд 1-2 цаг хүлээх нь энүүхэнд. Ха­рин энэ сарын 1-нээс шугамын автобуснуудыг Таван шар, Офи­церуудын ордон талаас богино эргүүлэхээр өөрчлөлт оруул­сан байна. Тодруулбал, М:1A Таван шар-“Мөнгөн завьяа”, М:1Б Сүхбаатарын талбай-Офицеруудын ордон чиглэлийг нэмс­нээр иргэд автобус удаан хүлээхээргүй болжээ. М:1 Таван шар-Офицеруудын ордон чиглэлийн автобуснууд ч ир­гэдэд урьдын адил хэвийн үйлчилнэ гэдгийг Нийтийн тээв­рийн бодлогын газраас мэдээлсэн. Мөн дээрх чиглэлийн авто­бусны үйлчилгээтэй холбоотой санал, хүсэлтийг 7004-4040 дугаарын утсанд хүлээн авч, шуурхай шийдвэрлэнэ гэв.

О.Оргилох