Цагдаагийн байгууллагад энэ сарын 11-ний өдөр Сонгинохайрхан дүүргийн нутаг дэвсгэрт “Тээврийн хэрэгслүүд мөргөлдөж, хүн гэмтсэн байна” гэх дуудлага мэдээлэл ирүүлжээ.
Мэдээллийн дагуу шалгахад иргэн М жолоодох эрхгүй үедээ "Тоёота акуа" маркийн тээврийн хэрэгслийг жолоодож яваад "Тоёота приус" маркийн тээврийн хэрэгслийн араас мөргөсөн. Ослын улмаас хоёр хүн гэмтсэн нөхцөл байдал урьдчилсан байдлаар тогтоогджээ. Хэрэгт Тээврийн цагдаагийн албаны Мөрдөн шалгах хэлтэс шалгалтын ажиллагааг явуулж байна.
Монгол Улсын Зөрчлийн тухай хуулийн 14.7 дэх хэсэгт Тээврийн хэрэгсэл жолоодох эрхгүй /жолоодлогын дадлага хийхээс бусад тохиолдолд/, эсхүл тээврийн хэрэгсэл жолоодох эрх нь дуусгавар болсон хүн тээврийн хэрэгсэл жолоодсон бол хүнийг дөрвөн зуун нэгжтэй тэнцэх хэмжээний төгрөгөөр торгох хариуцлага хүлээлгэнэ гэж заасан.
