Онцгой байдлын газрын алба хаагчид он гарсаар Дорноговь аймгийн нутаг дэвсгэрт тохиолдсон ахуйн гал түймрийн 7 удаагийн дуудлагаар үүрэг гүйцэтгээд байгаагийн 2 нь ачааны зориулалттай автомашин шатсан дуудлага байна.
Тухайлбал, өнөөдөр Замын-Үүд-Улаанбаатар чиглэлийн АО-0102 хатуу хучилттай авто замын зорчих хэсэгт буюу Даланжаргалан сумын нутаг дэвсгэрт 29 тонн ачаатай том оврын автомашин шатаж буй дуудлагыг өглөөний 05:57 цагт авч, ачааны хэсэгт бүрэн шатлага явагдаж байсныг задаргаа хийж унтраалаа.
Иймд жолооч та тээврийн хэрэгслийн найдвартай ажиллагаа, бүрэн бүтэн байдлыг хангаж, хол замд анхаарал болгоомжтой зорчих, тодорхой км тутамд тээврийн хэрэгслийн аюулгүй байдлыг шалгаж байхыг Дорноговь аймгийн Онцгой байдлын газраас анхааруулж байна.
