Зээлийн төлбөрөө хойшлуулах хүсэлтээ арилжааны банкуудад гаргахыг сануулав

“Тариалангийн үйлдвэрлэл эрхлэгчдийн та­­лаар авах зарим арга хэмжээ­ний тухай” Зас­гийн газрын тогтоолоор байгалийн давагдаш­гүй хүчин зүйл болох ган, мөндрийн улмаас 2025 онд ургац алдсан тариалангийн үйлдвэрлэл эрх­лэгч иргэн, аж ахуйн нэгжүүдийн 2023-2025 онд авсан зээлийн үндсэн төлбөрөөс чөлөөлөх ху­­­­гацааг зургаа хүртэлх сараар хойшлуулсан. Үү­­­ний хүрээнд ХХААХҮЯ-наас эр­­­гэлтийн хөрөн­­­гийн зээлийн гэрээнд нэ­мэлт өөрчлөлт оруулах гэрээг арилжааны бан­кууд­­тай байгуулжээ. Уг гэрээнд Засгийн газраас хариуцан төлөх хүү­­гийн дэмжлэгтэй, эр­­гэлтийн хөрөн­­гийн зээл авсан иргэн, аж ахуйн нэг­­жүү­­дийг хамруулах юм. Тиймээс бай­галийн даваг­­­­даш­­гүй хүчин зүйл ган, мөндрийн улмаас 2025 онд ур­­­­­­­гац алдсан газар тариалан эрхлэгч иргэн, аж ахуйн нэг­жүүд харилцагч арилжааны банкан­­даа хан­­даж зээлийн төлбөрөө хойшлуулах хүсэлтээ гаргахыг ХХААХҮЯ-наас санууллаа.