З.Анхбат кросс уралдааны 16 дахь түрүүгээр шалгарлаа

Монголын авто мастеруудын холбооноос зо­хион байгуулсан энэ оны анхны уралдаан болох улсын аварга шалгаруулах тэмцээний нээл­тийн гараа “Автохим мастер кросс”-оос шинэ аварга тодров. Долоо дахь удаагийн урал­даанд 66 тамирчин хурд сорьсноос Дорно­говь аймгийн Замын-Үүд сум, “Лидер” клу­бийн тамирчин, 93 дугаартай З.Анхбат тү­рүүлж, “Аваргууд”-аас найм дугаартай Г.Сүх­болд мөнгө, Баянхонгор аймгийн “Повер”-ынхноос 65 дугаартай Б.Түвшинтөр хү­рэл медаль хүртлээ. З.Анхбат өмнө нь “Мас­тер кросс”-оос тус бүр дөрвөн мөнгө, хү­рэл медаль гардаж, мөн дөрвөн удаа IV, нэг удаа V байрт шалгарсан амжилттай. Тэрбээр цээжний таван байрт уралддаг аваргуудыг нэхэж, ардаа орхин кросс уралдааны 16 дахь түрүүгээр шалгарсан юм. Түүнтэй өрсөлдсөн оролцогчдоос 135 дугаартай Ж.Болдбаяр (“Повер”) дөрөв, 39 дугаартай Я.Наранхүү (“Зэв” клуб) тавдугаар байр эзэлжээ.Тэгвэл 40 ду­гаар­тай Ц.Батбаатарын нэрэмжит шилдэг залуу тамирчны шагналыг “Батжин транс”-ын дөрөв дугаартай Б.Уламбат хүртэж, шил­дэг механикаар “Лидер”-ийн Х.Бат-Эрдэнэ шал­гарсан байна.