“Хангай констракшн”-ы захирал С.Гал-Эрдэнэ цагдаад хахууль өгсөн хэргийг дахин шүүхэд шилжүүллээ

Булган аймгийн ИТХ-ын төлөөлөгч, тэр­гүү­лэгчээр ажиллаж байсан “Хангай конст­ракшн” ХХК-ийн захирал С.Гал-Эрдэнэ цаг­даа­гийн ажил­танд хахууль өгсөн гэх хэ­рэгт прокурор ял­лах дүг­нэлт үйлдэн да­хин Баян­гол, Хан-Уул, Сон­ги­но­хайр­хан дүүр­гийн эрүү­гийн хэргийн ан­хан ша­т­ны тойр­гийн шүү­хэд шилжүүллээ.

Тэрбээр 2023 оны зургаадугаар сард гэл бү­лийн хүчирхийлэл үйлдэж, эхнэр Сэ­лэн­гийн­хээ биед халдсан хэмээн ХанУул дүүр­гийн Цаг­даа­гийн газрын II хэл­­ тэст зөрч­лийн хэ­рэг нээн шал­гаж эхэл­сэн байдаг. Энэ үе­дээ өөрт хол­бог­дох зөрч­­ лийн хэргийг удааш­руулах зорил­гоор зөр­ чил шалган шийдвэр­лэж буй цагдаа­гийн алба хаагч, тус хэлт­сийн Ний­тийн хэв журам хам­гаалах тасгийн хэс­гийн бай­цаагч, ах­лах дэс­лэгч О.Жамъян­сү­рэнд ха­хууль өг­сөн хэрэгт бу­руутгагдсан би­лээ. “Тэд найз нөх­дийн ха­рил­цаа­тай бай­сан бө­гөөд О.Жамъ­ян­сүрэн албан ту­шаа­лаа ашиг­­ лан С.Гал-Эр­дэ­нэд давуу байдал ол­гож, зөрч­лийн хэр­гийг шийд­вэрлэхгүй удаж, за­ваа­руу­лах гээд бай­гаа, ХААН банкны данс­наа­саа мөнгө шил­жүүл­сэн” хэ­мээн эх­нэр Сэ­лэнгэ нь АТГ-т гом­дол гар­гасны да­гуу уг хоёр хү­нийг шал­гаж эхэлсэн юм. Мөрдөн шал­гах ажил­ла­гааны яв­цад С.Гал-Эрдэнээс ах­лах дэс­лэгч О.Жамъян­­ сү­­­­­­рэнгийн охины данс руу 2023 оны до­­лоо­ду­гаар сард тус бүр нь нэг сая төг­рөг хоёр удаа шилжүүлсэн нь тог­тоогд­жээ. Уг хэр­гийг өн­гөр­сөн жил шүү­хэд шил­жүүлж, гэм бу­руутай, эсэ­хийг нь дэнс­лэх ху­рал 2025 оны хоёр­дугаар сард болж бай­сан юм. Энэ үед С.Гал-­Эрдэнэ “О.Жамъян­­ сү­рэнг 2019 оноос хойш тань­даг бол­сон, адуу­ны най­маа хийсэн, мөнгө зээлж байсан то­хиолд­лууд ч байсан. Уг хоёр сая төг­­ рөгийг наадамд дээгүүр давхисан морины байны хи­шиг хэ­мээн зээлдүүлсэн” хэ­мээн мэ­дүүлж байв. Ту­хайн үед Баянгол, ХанУул, Сон­ги­но­хайр­хан дүүр­гийн эрүү­гийн хэргийн ан­хан шатны тойр­гийн шүүх С.Гал-Эрдэнийг ха­хууль өгсөн, О.Жамъянсүрэнг хахууль ав­сан гэм бу­руутайд тооцож, нийтийн ал­банд то­милог­дох эр­хийг тус бүр дөрвөн жил ха­саж, нээлт­тэй хо­рих бай­гууллагад хоёр жил хорих ял оноож бай­сан билээ. Ха­рин нийс­лэлийн Эрүү­гийн хэр­гийн давж заал­дах шатны шүүх хэргийг да­хин шийд­вэрлүү­лэхээр бу­цааснаар нэмэлт ажил­ла­гаа хийлгэхээр про­курорын хяналтад шил­жүүл­сэн юм. Шүү­хээс даалгасан ажиллагааг мөр­дөгч, прокурорууд хийж дуусгаад ийнхүү да­хин дээрх шүүхэд хүргүүлсэн байна.